Yujẹhọn hẹn owhé lẹ po nutindo lẹ po gble to Ondo

Yọnnuzagbe, Whejisun 30, 2023

Nutindo he akuẹ yetọn na yì naira livi sọha nabi de lẹ yin hinhẹngble gbọn yujẹhọn dali to apadewhe Akure, he yin tatọ́-tònọ ayimatẹn Ondo tọn po topẹvi devo lẹ po to ayimatẹn lọ mẹ.

Linlin lẹ dohia dọ jikun sinsinyẹn he jà to lẹdo he mẹ nugbajẹmẹji lọ yinuwado lẹ to Oguzangbe wẹ fọ́n yujẹhọn lọ.

Nujijọ ehe wá aimẹ to azán kleun de godo he nujijọ mọnkọ de jọ to lẹdo Ilara Mokin tọn mẹ to lẹdo gandudu dokọ̀ tọn Ifedore tọn mẹ to ayimatẹ̀n lọ mẹ.

Linlin lẹ dohia dọ delẹ to lẹdo Akure tọn lẹ he yujẹhọn lọ hẹnnugble taun te lẹ wẹ Danjuma, Ayedun, High school po Leo po. E sọ yin didọ dọ yujẹhọn lọ hẹn owhé lẹ gble to topẹvi Ore tọn mẹ to lẹdo gandudu dokọ̀ tọn Odigbo tọn mẹ.

E sọ hẹn owhé lẹ, ṣọfu lẹ, wehọmẹ lẹ, miyọ́n-tin lẹ, dotowhe hohonọ lẹ tọn de, ṣọṣi-họ̀ de po mọmọ po lẹ gble to lẹdo he mẹ nujijọ lọ yinuwado lẹ.

Etomọṣo ogbẹ̀ depopo ma yin hinhẹnbu to nugbajẹmẹji lọ whenu. Delẹ to mẹhe nọ nọ̀ lẹdo he mẹ nugbajẹmẹji lọ hẹnnugble te lẹ ko biọ alọgọ sọn tohọluduta lọ si nado gọalọna yé bo dè huhlọn pò na yajiji yetọn lẹ.

Mẹmẹyọnnu Musa Kadijat, he yin dopo to mẹhe go nujijọ lọ jọ do lẹ, dọdọ nugbajẹmẹji daho de wẹ e yin na emi po họ̀hayatọ emitọn lẹ po.

Asisa lẹ

• Osagie Otabor. "Rainstorm destroys over 100 houses in Ondo". — The Nation. March 30, 2023
• Peter Dada. "Again, rainstorm destroys buildings, property in Ondo". — Punch. March 30, 2023