Wehọmevi de jai bo kú na e ṣì amasin-adínọ zan wutu to Bayelsa
Ahọluzangbe, Nuwhàsun 12, 2023
Mí sè dọ wehọmevi de Job Alawari-Kei, he tin to ohọ̀ atọ̀ntọ́ mẹ to wehọme alavọ tọn Federal University, Otuoke (FUO) to ayimatẹn Bayelsa tọn mẹ, ko yin didọ dọ e jai bo kú whenue e ṣì amasin-adínọ de he yin yinyọnẹn taidi Colos kavi Colarado zan godo.
Amasin-adínọ he yè nọ ylọ dọ Colarado lọ yin amasin de he nọ yinuwa do apọ̀n ji he Naijilianu lẹ nọ yizan titengbe jọja lẹ.
Sọgbe hẹ nuhe wehọmẹvi delẹ he tin to wehọ-pá lọ mẹ dọ, amasin-adínọ (Colos) he Jẹagọ do osẹ́n lọ nọ yin yiyizan to jọja lẹ ṣẹnṣẹn titengbe yé omẹ he nọ jẹ ajò gbọn intẹnẹt ji he yin yinyọnẹn taidi Yahoo Yahoo lẹ.
Wehọmevi de he ma jlo na do ede hia, dọdọ visunnu matintọ lọ to aglinjẹ po họntọn etọn lẹ po na kọdetọn dagbe de he yé tindo whenuena yé ko hò mẹde dù to intẹnẹt ji godo, bọ amasin-adínọ he e nù zejlẹgo lọ wẹ hù i.
Hoyidọtọ Ponọ lẹ tọn ayimatẹn lọ tọn Asinim Butswat, he hẹn ẹn diun dọ nugbo wẹ dọ nujijọ lọ wa aimẹ dọdọ, matintọ lọ ko yin zize yi dotowhe nado pọn ninọmẹ oṣiọ lọ tọn, dile dodinnanu ko bẹjẹeji do whẹho lọ ji.
Asisa lẹ
jlado- Julius Osahon." Student slumps, dies from illicit drug overdose in Bayelsa". — The Guardian. May 10, 2023
- Amarachi Okeh."19-year-old Bayelsa undergraduate dies of drug overdose". — Punch. May 11, 2023