Viyẹyẹ azán dopo-mẹvi de yin jijodo ali Awọnlin tọn de ji
Oguzangbe, Lidosun 4, 2023
Mí sè dọ Viyọnnu yẹyẹ azán dopo-mẹvi de ko yín jijodo sẹpọ ṣọṣi-họ̀ de to alitó to gandudu dokọtọn Ikorodu ayimatẹn Awọnlin tọn mẹ.
Dodinnanu he linlin-họsa Punch tọn basi dohia dọ whenue viyẹyẹ lọ ko yin jijodo alitó godo, nawe de he nọ nọ lẹdo lọ mẹ sè avigbe ovi lọ tọn to alitó matin alọgọtọ de whenue e jei nuhọ̀ gbé to nudi gan 6:30 afọnnu tọn.
Dile nawe lọ sẹpọ viyẹyẹ he to avivi lọ, e doayiego dọ yé do awu awà gaa nọ po gbakun po na ẹn, bosọ búi do avọ̀ de mẹ. Ehe paṣa nawe lọ bọ e dawa ylọ mẹhe tin to lẹdo lọ mẹ lẹ wa nujijọ lọ kọn ṣigba whenue mẹdepope ma do ede hia taidi onọ ovi lọ tọn, dile e sọ yin vivẹdo dọ onọ etọn jọ e do filọ to zanhomẹ, e zé whẹho lọ yì ponọ-pamẹ he tin to adà Ikorodu tọn mẹ.
Hoyidọtọ Ponọ lẹ tọn ayimatẹn lọ tọn SP Benjamin Hundeyin, hẹn ẹn diun na linlin-kàntọ lẹ dọ nugbo wẹ dọ nujijọ wa aimẹ, dọdọ ovi lọ ko to yínyín nukunpedego to dotowhe daho Ikorodu tọn mẹ.
Asisa lẹ
jlado- Naomi Chima." One-day-old baby abandoned on Lagos road". — Punch. April 4, 2023
- Mariam Adebukola." JUST-IN: Baby Abandoned On Lagos Road". — New Telegraph. April 4, 2023