South Korea ko de Flying Eagles sẹ sọn agbàwhinwlẹn 2023 U-20 lẹdo aihọnpe tọn mẹ

Tẹnigbe, Ayidosun 5, 2023

Flying Eagles Naijilia tọn ko yin didesẹ sọn agbàwhinwlẹn FIFA U-20 owhe ehe mẹ tọn to Argentina to whenuena yé gú podo agó 1-0 po do alọ South Korea tọn mẹ to adà bọlu-hògbẹ́ ṣiantọn he gbọngodo lẹ tọn whenu to Sẹgbe.

Agó Choi Seok-Hyun tọn ehe e do podo ota po to nukunwhiwhe 94tọ wẹ gọalọna South Korea nado pegan na adà bọlu-hògbẹ́ ẹnẹ he gbọngodo lẹ tọn mẹ. Flying Eagles wa aihun lọ mẹ podo awhàngbigba agó 2-0 po sọta Argentina to alihò nupaṣanamẹnu de mẹ to bẹjẹeji whenu.

Mọdopolọ wẹ South Korea lọsu duto bọlu-hògbẹ́ hùwaji Amẹlika tọn he yin Ecuador ji to alihò nupaṣanamẹnu de tọn mẹ podo agó 3-2 to adà agbàwhinwlẹn bọlu-hògbẹ́ 16 he gbọngodo lẹ tọn mẹ.

Taidi to agbàwhinwlẹn U-20 lẹdo aihọnpe tọn to owhe 2007 to Canada, Ladan Bosco gbọawupo na whla dopo dogọ nado sọgan ze Flying Eagles lẹ zẹ adà bọlu-hògbẹ́ ṣiantọn he gbọngodo lẹ tọn mẹ.

Gúgú Flying Eagles tọn zẹẹmẹdo dọ tẹnmẹpọntọ otògbo ẹnẹ tọn ehe bẹ (Naijilia, Senegal, Tunisia podo Gambia) po hẹn dohia dọ yémẹpo wẹ ko yin didesẹ.

Asisa lẹ

• "South Korea Knock Out Flying Eagles in 2023 U-20 W/Cup".– Complete Sports. June 4, 2023
• "U-20 World Cup: Flying Eagles crash out after losing 1-0 to South Korea".– Vanguard. June 4, 2023