Singigọ de plọ́ owhe ẹnẹ-mẹvi de yì to Awọnlin
Tẹnigbe, Lidosun 17, 2023
Mẹjitọ visunnu owhe ẹnẹ-mẹvi de he nọ yin Chukwuemeka Okoro tọn lẹ, po kọmẹnu yetọn lẹ po ma vo na yé ma ko penugo nado mọ oṣiọ visunnu lọ tọn na nudi osẹ dopo godo he yin piplọ́ yì gbọn singigọ dali to lẹdo de mẹ to Awọnlin.
Linlin lẹ dohia dọ nujijọ lọ jọ to Oguzangbe osẹ he wayi to whenue Okoro jai jẹ osindò daho de mẹ to ali Nobel tọn ji, bo yin piplọ́ yì gbọn osindò pẹvi de he to yakẹ mẹ to lẹdo Onibata tọn mẹ, yèdọ to lẹdo Ogba tọn mẹ to Awọnlin.
Linlin lẹ dohia dọ awublanu lọ jọ to jikun sinsinyẹn he jà to lẹdo lọ mẹ to Oguzangbe whenu.
E yin didọ dọ afọ Okoro tọn fẹ́ to whenue e to ote to osindò de tó bọ e jai jẹ osindò lọ mẹ to ali Nobel tọn ji, to lẹdo Ogba tọn mẹ, podọ singigọ lọ plọ́ ẹ biọ osindò daho de he sà yì lẹdo Onibata tọn mẹ.
Mẹhe yì nujijọ lọ tẹnmẹ to Ahọluzangbe lẹ mọ gbẹtọ diblayi 20, he bẹ hẹnnumẹ lẹ po mẹhe nọ nọ̀ lẹdo lọ mẹ delẹ po hẹn, he ze yede jo nado din oṣiọ Okoro tọn to lẹdo lọ mẹ.
To ojlẹ he mẹ linlin ehe to yinyin bibẹpli, vinẹnu lẹpo he ko yin dido nado mọ oṣiọ lọ ma ko tindo kọdetọn dagbe depope.
To whenue otọ Okoro tọn, Ikechukwu, to hodọ to hokansemẹ de whenu, e dọdọ emi jlo na mọ oṣiọ visunnu emitọn tọn, na whẹndo lọ nido penugo nado di oṣiọ lọ sọgbe hẹ lehe hẹnnu yetọn nọ basi do.
Asisa lẹ
jlado- Uthman Salami. "Flood sweeps four-year-old boy away in Lagos". — Punch. April 17, 2023
- "Flood sweeps four-year-old boy away in Lagos". — Headtopics. April 17, 2023