Sanwo-Olu degbè dọ ohọ̀ atọ̀n ni yin hihọliai to Banana Island

Sẹgbe, Lidosun 23, 2023

Ayimatẹn-gán Awọlin tọn, Babajide Sanwo-Olu, ko degbè dọ ohọ̀ petlezìn-awenọ atọ̀n to Banana Island ni yin hihọliai to whenue petlezìn-ṣinawenọ de họ́ to lẹdo lọ mẹ godo.

Sanwo-Olu na gbedide lọ to to Sibigbe to whenue e basi dlapọn yì fie petlezìn-ṣinawenọ lọ họ́ te podọ whenue e pọ́n lehe ohọ̀ devo lẹ yin gbigbá do to lẹdo lọ mẹ do godo.

To 310 Close, e degbè dọ ohọ̀ petlezìn-awenọ de ni yin hihọliai na e ma yin gbigbá to osẹ́n-liho, podọ yè ma nagbè etọn.

Podọ to 306 Close, ayimatẹn-gán lọ sọ degbè dọ petlezìn awe he bọdo yede go delẹ ni yin hihọliai na yé yin gbigbá do miyọ́n-kàn po osin po glọ wutu.

To whenue e to hodọ to fie petlezìn-ṣinawenọ lọ họ́ te, e dowhẹ̀ họ̀gbátọ he ma kiyananu lọ lẹ po tòvi he jlo na mọ akuẹ niyniya poun lẹ po na nujijọ madonukun lọ.

Sanwo-Olu sọ dowhẹ̀ ogbẹ́ Federal Ministry of Works and Housing po National Inland Waterways Authority po na yèdọ yelẹ wẹ nagbè dọ yé ni zẹ dogbo fie Banana Island doalọte do tọn wutu.

Sọgbe hẹ nuhe e dọ, nujijọ lọ dohia dọdọ ogbẹ́ he nọ deanana họ̀gbigbá to ayimatẹn Awọnlin tọn, Lagos State building officers lẹ ma to nukunpedo azọ́n yetọn go, podọ depope to yé mẹ he hùwhẹ ehe tọn na yin yasana.

Asisa lẹ

• Wale Odunsi. "Banana Island: Sanwo-Olu orders demolition of buildings, indicts Federal Housing Ministry, NIWA". — Daily Post. April 22, 2023
• "Sanwo-Olu orders demolition of three buildings on Banana Island". — Punch April 22, 2023