Real Madrid hò Al-Hilal nado lẹzun alemọtọ agbàwhinwlẹn bọlu-hògbẹ́ lẹdo aihọnpe tọn

Oguzangbe, Afínplọsun 14, 2023

Real Madrid ko tọ́n taidi alemọtọ agbàwhinwlẹn bọlu-hògbẹ́ lẹdo aihọnpe tọn na wla atọ́ntọ dile yé hò Al-Hilal podo agó 5-3 po to aihun godo to agbàwhinwlẹn yetọn mẹ to Rabat, Morocco, to Sibigbe.

Vinicius Junior do agó awe bosọ gọalọna na Karim Benzema nado do agó atọ̀ntọ bọ Federico Valverde do agó awe deji dogọ na bọlu-hògbẹ́ akonka yetọn to europe to aihun he fó podo agó ṣintọn po mẹ.

Bọlu-hògbẹ́ Saudi Arabia tọn Al-Hilal ma yawu gbọjọ dile ye tẹnpọn nado do agó atọ̀n to agbàwhinwlẹn lọ mẹ dile Luciano Vietto do agó awe bọ Moussa Marega do agó dopo na bọlu-hògbẹ́ akonka Asia tọn yetọn.

Madrid mọ ale agbàwhinwlẹn ehe nkọtọn yi to 2018. Podọ ye sọ mọ ẹ yi to 2014, 2016 podo 2017 po.

Asisa lẹ

• Biodun Busari. "Real Madrid beat Al-Hilal to emerge Club World Cup champions". — Vanguard. February 12, 2023