Rashford do agó nado gọ̀ Man Utd lẹkọ sọn gúgú mẹ jẹ awhàngbigba mẹ dile yé hò Man City 2-1

Sẹgbe, Alunlunsun 15, 2023

Man Utd lẹkọ sọn gúgú mẹ nado hò agbàwlẹntọ yetọn to Premier League mẹ he yin Manchester City podo agó 2-1 po to Old Trafford to Sibigbe.

Aihun lọ fó do zẹnzẹn to adà tintan aihun lọ tọn whenu mahopọnna dọ bọlu-hògbẹ́ awe lẹ wẹ do vivẹnudido dagbe yetọn lẹ hia.

Bọlu-hògbé huhlọnọ lọ jẹnukọna ye to nukunwhiwhe 60tọ mẹ to whenuena Jack Grealish do agó podo ota po podo alọgọ sọn Kelvin De Bruyne de.

E ma dẹn whẹpo bọlu-hòtọ adà Erik ten Hag tọn do fli agó lọ lẹkọ dile Bruno Fernandes yi dotẹnmẹ alọgọ tọn sọn bọlu-hòtọ Brazilnu Casemiro tọn zán to nukunwhiwhe 78tọ mẹ.

Nukunwhiwhe atọ̀n podo ṣẹju 42 po wẹ Manchester United yizan nado do agó awetọ to whenuena bọlu-hòtọ nukọntọn England tọn, Marcus Rashford sọ afọ bọlu he Alejandro Garnacho gbá hlanẹn do dọmẹ to nukunwhiwhe 82tọ mẹ.

Kọdetọn lọ ko ze Red Devils lẹ do otẹn atòntọ́ mẹ to todohukanji bọlu-hòtọ lẹ tọn ji podo agó (points) dopo po do to godo na adà Pep Guardiola tọn.

Asisa lẹ

• Biodun Busari. "Rashford scores winner as Man Utd come from behind to beat rivals Man City 2-1". — Vanguard. January 14, 2023