Ponọ wle omẹ atọ̀n na mẹfinfin wutu to Niger

Ahọluzangbe, Whejisun 24, 2023

Ponọ ayimatẹn Niger tọn lẹ wle omẹ atọ̀n he yin nuvẹdo na ovi he he yin finfin to gandudu dokọ Suleja tọn to ayimatẹn lọ mẹ.

To hodidọ he yin didọ gbọn hoyidọtọ ponọ lẹ tọn to ayimatẹn lọ mẹ, DSP Wasiu Abiodun, hẹn zun yinyọnẹn na nukunmọnu mitọn to Minna to Yọnnuzangbe, e dọ dọ omẹ lọ lẹ yin wiwle to Abuja.

Awe to omẹ he yin wiwle lẹ mẹ, Ebuka Saviour he tindo owhe 20 po Mary Peter he tindo owhe 25 tin to Tunga-Maje to aliho lẹdo Gwagwalada tọn he tin to FCT Abuja to Alunlunsun 20, 2023, po Afínplọsun 18, 2023, to whenue Chinwe Egwu he tindo owhe 49 yin wiwle to Lugbe to Whejisun 13, 2023.

Abiodun dehia dọ, danuwatọ lọ lẹ ko fin nọvi nọvi awe wayi, owhe atọ̀n mẹvi po atọ́n mẹvi po sọn owhé yétọn gbe to lẹdo Suleja tọn to ayimatẹn lọ mẹ to owhe he wayi.

Abiodun dọmọ, whenue yé fin ovi lọ lẹ godo, yé bẹ ye sọyi owhé tọṣiọvi nọṣiọvi lẹ tọn gbe to Abuja, fihe ye yin ahọsuna te.

To hókansemẹ de whenu, Saviour yigbe gbekọndopọ etọn hẹ Ifeoma po Patience po. Ifeoma yigbe nado na ewọ po Patince po naira fọtọ́n-donu-fọde medopodopo, ṣigba Patience kẹdẹ wẹ ko mọ akuẹ etọn yi omẹ awetọ ma ko mọ etọn yi.

"E dọ dọ ovi lọ lẹ yi finfin bo yin bibẹyi Ifeoma de to fininọ etọn fihe e do owhé tọṣiọvi nọṣiọvi tọn he nọ yin yiylọdọ 'Famous Kids home' ai ,ṣigba, Ifeoma sẹtẹn sọn finẹ to godo mẹ enẹwutu, e dona diọtẹnna ovi lọ lẹ yi mẹdevo de".

Abiodun dọ dọ ovi lọ lẹ yin tẹnsẹna yi owhé tọṣiọvi nọṣiọvi tọn de mẹ to lẹdo Lugbe tọn to Abuja fihe ovi lọ lẹ wa yin whinwhlẹn gbọn ponọ lẹ dali te.

Hoyidọtọ ponọ lẹ tọn yidogọ dọmọ, ovi atọ́n devo lẹ yin yiyi dogọna nọvi nọvi awe lẹ bo yin bibẹ do alọmẹ na ogbẹ́ jijọhodintọ FCT tọn.

Ovi atọ́n to ovi ṣianwe he yin whinwhlẹn lọ lẹ mẹ yin bibẹ soyi na ogbẹ́ jijọhodintọ FCT tọn to afọdopolọ ji. Po dotẹnmẹ hundote lọ po, ovi atọ̀n devo lẹ he yin finfin sọn ada voovo mẹ to Suleja po Tafa po yin whinwhlẹn sọn alọ Chinwe tọn mẹ to Whejisun 14, 2023 to whenue e jogbe.

"Dodinnanu to yinyin bibasi to alọnu nado wle Ifeoma po Patience po, dile dodinnanu to yiyi do whẹho lọ ji, bọ mẹhe ko yin wiwle lẹ na yin whẹdana dile e jẹ do tlolo he dodinnanu lọ wa vivọnu.

Asisa lẹ

• Aisha Wakaso. "Police arrest three for kidnap in Niger". — Punch. March 23, 2023
• Bala Yahaya. "Suleja missing children: Police rescue 10, arrest three suspects". — The Guardian (Nigeria). March 24, 2023