Ponọ lẹ wle nawe de yì whẹnukọn na e na nudọnamẹ agọ wutu

Azangaagbe, Whejisun 1, 2023

Ponọ lẹ ko wle nawe owhe 20 mẹvi de, Faith Anthony yi whẹnukọn to whẹdọhọsa Tinubu tọn he tin to Lagos Island to ayimatẹn Awọnlin tọn, na e nanudọnamẹ agọ ponọ lẹ dọ akuẹsẹdotẹn jẹajo do emi.

Mẹhe yè sawhẹdokọna lọ kẹdẹ wẹ yin hinhẹn wa whẹdatọ lọ he yin Mẹdaho T.A. Idowu nukọn sọta nawe lọ gbọn ponọ lẹ dali.

Anthony sawhẹdokọna Isaiah Ukedo he to azọ́n wa to akuẹsẹdotẹn lọ dọ, e fin nutindo emitọn lẹ.

Whẹyidọtọ otò tọn lọ, Inspector Ajaga Agboko dọna whẹdatẹn lọ dọ, mẹhe yè sawhẹdokọna lọ gba osẹ́n lọ to Afínplọsun 20, 2023.

E dọdọ nujijọ lọ wa aimẹ to ogan 6.50pm to akuẹsẹdotẹn Zenith tọn po Ponọpamẹ Bar Beach tọn po, to Victoria Island, ayimatẹn Awọnlin tọn.

Asisa lẹ

• Onozure Dania. "Police arraign woman for giving false information". — Punch. February 28, 2023