Ponọ lẹ wle Togonu de na e hù alọnuzọ́nwatọ de to Edo

Tẹnigbe, Zósun 11, 2023

Ponọ Edo tọn lẹ ko wle dawe Togo-nu de, Michael Agbalo, he tindo owhe 35, na e hù dawe de, he nọ yin Maharazu Umar, na whẹho nuhẹngble tọn de wutu to azọ́nmẹ.

Eyin didọ dọ, danuwatọ lọ biọ to matintọ lọ si nado gọalọna emi to azọ́n họgbigba tọn lọ kọn, enẹgodo, gbemanọpọ de fọ́n to whenue yé ko fó azọ́n lọ godo podọ to ojlẹ enẹ mẹ wẹ e hù matintọ lọ te.

Hoyidọtọ ponọ ayimatẹn Edo tọn, Chidi Nwanbuzor, dọmọ, dawe de, he nọ yin Clement Obagbikoko wẹ hẹn whẹho lọ wa ponọpá Etete Division tọn to Benin.

Obagbikoko dọmọ, emi haya danuwatọ lọ nado wazọ́n de na emi to owhé emitọn gbè, enẹgodo, e plan matintọ lọ wa nado gọalọ na ẹn to azọ́n lọ kọn.

"To whenue yé fó azọ́n, yè súkuẹ na ẹn, whenue yè kanhose gando Umar go, e gblọn dọmọ, e ko yi, ṣigba whenue asi Clement tọn to gbigbeje azọ́n he yin wiwa lọ lẹ to nudi ogan 7 whejai tọn mẹ, e mọ agbasa Umar tọn to owhé lọ gbe.

E yidogọ dọmọ, "To afọdọpolọ ji, yé ylọ danuwatọ lọ dọ ni wa owhé yétọn gbè bọ e sọ yin wiwle."

Ponọgán hodọdopọ azọ́nwhé tọn dọmọ, danuwatọ lọ ko yigbe dọ emi líì mato matintọ lọ bọ e jai bosọ kú, bo yidogọ dọmọ, oṣiọ lọ ko yin zize sọyi dotowhé .

E dọmọ, whẹho lọ dona yi owhẹ nukọn to madẹnmẹ.

To hokansemẹ de whenu po linlinnamẹtọ lẹ po, danuwatọ lọ dọmọ, emi ylọ Umar nado wa gọalọ na emi to azọ́n de kọ̀n ṣigba bo wa hùi to godo mẹ na gbemanọpọ he fọ́n de wutu.

Asisa lẹ

• Adeyinka Adedipe. "Police nab Togolese over killing of Edo artisan"—Punch. September 11, 2023
• Usman A. Bello. "Police Arrest Togolese Over Killing Of Artisan In Edo"—Daily Times. September 11, 2023