Wikilinlin

Ponọ lẹ ko bẹ dodinnanu jẹeji gando okú agbagogán Osun tọn go

Oguzangbe, Whejisun 21, 2023

Ponọ ayimatẹn Osun tọn lẹ tọn dọ dọ emi ko jẹ dodinnanu basi ji nado wlé mẹhe hù agbagogán Gbenga Okotore, to ayimatẹn lọ mẹ lẹ.

Mẹlẹ dọ dọ owhé Okotore tọn gbe wẹ yé doawhàn wá pé e do to lẹdo Ilesa tọn mẹ to ayimatẹn lọ mẹ, to Azangaagbe.

Sọgbe hẹ nue mí sè sọn mẹhe nọ nọ̀ lẹdo Okutu-Ope lẹ to Ilesa, yèdọ fie owhé dawe tọn tin te, delẹ numẹ, diblayin dọ mẹhe hù Okotore lẹ ko to ṣiṣọ ẹ pé hoho.

Yé yidogọ dọ mẹhe wà danu lọ lẹ ko dọnsẹpo Okotore ganji whẹpo do desò do e to fie ma dẹn do ohọ̀ etọn kọ̀n.

Kọmẹnu lẹdo lọ tọn de, he ma jlo dọ Yinkọgbe emi tọn ni yin yiylọ, to hodọ hẹ linlinkantọ mítọn, e dọdọ, "Mí sè osò-gbe lẹ amọ́ obú di mí sọmọ bọ mí ma gán sẹtẹn. E jọ to nudi ogàn 8 whejai tọn mẹ to Azangaagbe. E họnwun dọ yé sọ́ ẹ kaka wá finẹ wẹ."

Hoyidọtọ ponọ̀ lẹ tọn to ayimatẹn lọ mẹ, Yemisi Opalola, donu nugbo-yinyin nujijọ lọ tọn go to whenue e to hodọ hẹ linlinhọsa The Punch tọn to Yọnnuzangbe.

E yidogọ dọ dodinnanu kò bẹjẹeji gando nujijọ lọ go.

E dọmọ, "Nugbo wẹ. Mẹhe ku lọ, Okotore, yin agbagogán, enẹ wẹ nukọ̀ntọ kọ́mẹ tọn, de to lẹdo lọ mẹ. Mí ko bẹ azọ́n jẹeji do nujijọ lọ ji podọ mẹhe do alọ̀ to e mẹ lẹ ma na họngán sọn whẹ̀dida si".

Asisa lẹ

jlado
Gọẹ yi sọn "https://guw.wikinews.org/w/index.php?title=Ponọ_lẹ_ko_bẹ_dodinnanu_jẹeji_gando_okú_agbagogán_Osun_tọn_go&oldid=13278"