Ponọ lẹ dọ whèhutọ 29 wẹ yin hùhù to Borno bọ ṣiẹnnẹ gbleawu to mẹgbeyinyan Boko Haram tọn whenu
Sibigbe, Whejisun 11, 2023
Ponọ-gán ayimatẹn Borno tọn ko hẹn diun dọ nugbo wẹ whèhutọ 29 yin hùhù gbọn danuwatọ Boko Haram lẹ to ayimatẹn lọ mẹ.
Mẹgbeyinyan lọ he wa aimẹ to gbetato Mukdolo tọn to lẹdo Gamborun Ngala tọn mẹ to ayimatẹn lọ mẹ, omẹ ṣiẹnnẹ wẹ sọ gbleawu taun.
Ponọ-gán hodọdopọ azọ́nwhé tọn na ayimatẹn lọ, Sani Kamilu, mẹhe hẹn diun dọ linlin lọ sọgbe podo nuhe jọ lọ po to Ahọluzangbe dọ dọ, nujijọ lọ wa aimẹ to Azangaagbe, Whejisun 8, 2023.
E ko yin didọ jẹnukọn dọ susu danuwatọ lọ lẹ tọn zọn kẹkẹ ji do wa otẹn lọ mẹ bo to oso mapote, to whenue yé ko wle omẹ 29 po oso po panukọn yé omẹ ṣiẹnnẹ họngán po awugble po.
Asisa de dọ to nọtẹn intẹnẹti tọn ji he yin Zagazola Makama dọmọ, mẹgbeyantọ lọ lẹ zan odọ̀ do lẹdo whèhutọ lọ lẹ whepo do sayana ye bosọ deso do ye to godo mẹ.
Ye dọna yé dọ yé ni mlọnai. Enẹgodo, yè zan odọ̀ yétọn do bú yé whẹpo do wa bẹ yasanamẹ de jẹeji na yé, to whenue yé ko ba yedemẹ pò, whenẹnu wẹ yé deso do yé bo hù yé to afọdopolọ ji, ehe wẹ hoyidọ sọn asisa lọ mẹ dọmọ.
Agbasa gbesi lọ lẹ tọn wa yin mimọ to godo mẹ gbọn ogbẹ́ he nọ din bo nọ whlẹn he se linlin lọ sọn onù mẹhe họngán lẹ tọn mẹ.
Asisa lẹ
jlado- Daniel Ayantoye. "29 Borno fishermen killed, nine injured in Boko Haram attack — Police". — Punch. March 11, 2023
- "How Boko Haram kill 29 fishermen for Borno state" — BBC. March 10, 2023