Ponọ Delta tọn lẹ wle omẹ ṣidopo na mẹfinfin po ajò po
Tẹnigbe, Ayidosun 5, 2023
Ponọ ayimatẹn Delta tọn lẹ ko wle ogbẹ́ ajò po mẹfinfin po tọn he bẹ omẹ ṣidopo hẹn delẹ bosọ mọ osò dopo po adánwanu devo delẹ po yí yé si.
Linlin lẹ dohia dọ to Nuwhàsun 15, 2023, mẹde he yin fìnfìn ze gbọn jaguda lọ lẹ dali de (yinkọ etọn ma yin nudego) yì jẹwhẹ nujijọ lọ tọn to ponọpa Ovwian Aladja tọn mẹ bo dọdọ mẹfintọ delẹ gbòalina emi po asi emitọn po.
Sọgbe hẹ nue mẹlọ dọ, mẹhe yin nuvẹdo dọ yé fìnmẹ bosọ jẹajo do yé lọ lẹ ze emi po asi emitọn po do mọto de godo bo kùn yé yì fie yé ma yọnẹn de bosọ fìn akuẹ he to akuẹsẹdotẹn yetọn lẹpo gbọn akuẹ lọ lẹ sisẹdo kandai akuẹsẹdotẹn tọn devo de dali whẹpo do jó yé do.
To Sẹgbe, DSP Bright Edafe, he yin hoyidọtọ ponọ lẹ tọn ayimatẹn lọ mẹ, dọdọ to Nuwhàsun 20, to whenue yé ko basi dodinnanu susu godo, ponọ lọ lẹ wle mẹde he nọ yí POS zán do wàjọ de (yinkọ etọn ma yin nudego), he sin akuẹsẹdotẹn mẹ jaguda lọ lẹ nọ sẹ́ akuẹ do whẹwhẹ sọn akuẹsẹdotẹn mẹhe yé jẹajo do lẹ tọn mẹ lẹ.
Mẹhe nọ yí POS zán do wàjọ lọ, he dọdọ emi ma mọdona dọdọ mẹhe yin nuvẹdo lọ lẹ to onú mọnkọ wà, kọngbedopọ hẹ ponọ lọ lẹ bo na yé nudọnamẹ he yé tindo hudo etọn lẹ, bo hẹn yé nado wle nukọntọ jaguda lọ lẹ tọn he nọ yin Adim Onweiyali, yèdọ owhe 33 mẹvi de, to Ayidosun 1.
Mẹhe yin wiwle lọ plan ponọ lọ lẹ yì owhé hagbẹ jaguda-gbẹ he pò lẹ tọn gbe, podọ yì owhé dawe owhe 56-mẹvi de he nọ yin Akporido Stanley he nọ whlá adánwanu lẹ na yé tọn gbe.
Osò dopo po adánwanu devo delẹ po yin mimọ yí sọn mẹhe yin nuvẹdo lọ lẹ si, podọ yemẹpo wẹ to ponọpa mẹ to alọnu, dile dodinnanu lẹ to yìyì to alọnu.
Asisa lẹ
jlado- Dele Ogunyemi. "Delta police arrest six robbery suspects". — Punch. June 5, 2023
- Ebenezer Adurokiya. "Police arrest 8 kidnap, robbery suspects, recover arms, ammunition in Delta". — Nigerian Tribune. June 4, 2023