Palace hò Leeds agó 5-1 nado hẹn gbẹninọ yetọn dote

Tẹnigbe, Lidosun 10, 2023

Crystal Palace dlẹnkana todido yetọn to Premier League mẹ podo awhàngbigba agó 5-1 po sọta agbàwhinwlẹn yetọn he yin Leeds to Sẹgbe.

Adà Roy Hodgson tọn sunsun agó Patrick Bamford tọn ehe e do to adà tintan aihun lọ whenu podo vivẹnudido dagbe de po to Elland Road.

Marc Guehi fli agó lọ lẹkọ whẹpo adà tintan aihun lọ tọn do wa vivọnu bọ Palace diọ aihun lọ to adà awetọ mẹ podo agó dagbe sọn Jordan Ayew de, mẹhe do agó awe bọ Eberechi Eze podo Odsonne Edouard lọsu sọ do agó.

Awhàngbigba tintan Palace tọn to Elland Road sọn 2006 gbọn wẹ sisẹ yé do nukọn podo agó (points) ṣidopo po sọn relegation mẹ to whenuena Leeds yí agó (points) awe gee do to nukọna bọlu-hògbẹ́ atọ̀n he tin to odo to todohukanji lọ mẹ lẹ.

Bọlu-hògbẹ́ hùwaji London tọn lẹ ma tindo awhàngbigba depope to owhe 2023 ehe mẹ kakajẹ whenuena Hodgson didiọ do anademẹtọ Patrick Veira sin tẹnmẹ kakajẹ vivọnu owhe ehe mẹ tọn.

Asisa lẹ

• "Palace thrash Leeds 5-1 to boost survival bid".– Punch. April 9, 2023
• "Olise creates EPL record after hat-trick of assists vs Leeds".– The Sun. April 9, 2023