Omẹ awe kú dile mọto de lọ́n biọ tọ̀sisa Edo tọn mẹ

Oguzangbe, Lidosun 4, 2023

Omẹ awe hẹn ogbẹ̀ yeton bú to sẹgbe sin zanmẹ dile mọto he yé yí do to zinzin gbejizọnlin lọ́n biọ tọ̀sisa de mẹ to okọ́ta Ikpoba tọn to gandudu dokọ Ikpoba Okha tọn to ayimatẹn Edo tọn mẹ.

Asisa de dọna linlinwe The Punch to Tẹnigbe dọmọ, mọto de zingbejizọnlin sọn aliho Ring tọn ji sẹpọ mọtoglitẹn Ramat tọn po wezun he zẹpá de po whẹpo hunkuntọ lọ do ṣì alọ lẹ́ bo yi sọ́ zannu de he zọ́n bọ mọto lọ lọ́n biọ tọ̀sisa mẹ.

Asisa de dehia dọ, nujijọ dekọtọ́n do sẹkli-masẹ na mọto lẹ to Tẹnigbe dile ahisinọ lẹ tin to aliho lọ ji na ganhiho susu whenue ogán lẹ po ogbẹ́ Road Safety Corp ayimatẹn Edo tọn lẹ po tẹnpọn nado hẹn ninọmẹ lọ pọnte dile e jẹ do.

Nado hẹn diun dọ nujijọ lọ jọ nugbo, ogán ayinamẹtọ do whẹho aliho tọn lẹ ji ayimatẹn lọ tọn, Oreva Ukoh he yihodọ gbọn Theresa Momoh dali he yin ogán wedegbẹ́ nuplọnmẹ gbangba tọn dọmọ, e taidi dọ, mẹhe tin to ohún lọ mẹ lẹ lẹkọ sọn nuwiwa de tẹnmẹ to Sẹgbe sin zanmẹ.

E dọmọ, hunkuntọ ohún lọ tọn ko to wezun ji, ehe zọn bọ e ma do penugo nado deanana ohún lọ ba.

Okoh doayiego dọ, whẹpo alọgọnamẹtọ lẹ do wa, omẹ awe lọ lẹ ko siọ do osin mẹ.

E dọmọ, "Omẹ awe wẹ tindo mahẹ to asidan lọ mẹ, sunnu mẹho dopo po yọnnu mẹho dopo po. Ye ko kú do osin lọ mẹ whẹpo alọgọtọ lẹ do wa.

"E blawu dọ sunnu lọ he yin hunkuntọ lọ họnwezun zẹjlẹgo na zanmẹ wẹ wutu na aliho vò sọmọ bọ mọtọ ṣinṣinyan delẹ wẹ to aliho lọ ji.

"Nupaṣamẹ wẹ eyin nado mọdọ mọto lọ lọ́n biọ tọ̀sisa mẹ. Kọdetọn wezun hinhọ́n zẹjlẹgo tọn wẹ. Yé sọ́nu di mẹhe gọ̀ sọn agọ́to", dile Ukoh dọ do.

Asisa lẹ

• Adeyinka Adedipe. "die as car plunges into Edo river" —Punch. April 4, 2023
• Ozioruva Aliu. "drown in Edo as vehicle plunges into river". —Vanguard. April 4, 2023