Nawe Kano-nu de sọ́hì viyọnnu owhe ṣidopo-mẹvi kọmẹnu etọn tọn bo họ̀n

Yọnnuzangbe, Nuwhàsun 18, 2023

Viyọnnu owhe ṣidopo-mẹvi de he nọ yin Sherifat Usman to ninọmẹ sinsinyẹn de mẹ to whenue nawe de he nọ yin Fatima Malam sọ́hì i godo to ayimatẹn Kano tọn mẹ.

Linlin lẹ dohia dọ Fatima sọ́hì viyọnnu lọ nado fọngu gando ayinamẹ he otọ́ etọn na asu etọn nado dà asi awetọ go.

Linlin lẹ dohia dọ e sọ́hì viyọnnu lọ whlà susu do adọ̀ mẹ.

Asisa nudọnamẹ lọ tọn delẹ dọna linlinnamẹtọ lẹ dọdọ Fatima gblehomẹ to whenue e se dọ otọ́ Sherifat tọn, he yin họntọn asu etọn tọn, wẹ ko to ayinamẹ na ẹn nado dà asi devo.

Ṣigba asu Fatima tọn he mí yọnẹn taidi Malam dọdọ asi emitọn ma to ganji to ayiha mẹ.

Whẹndo awe lọ lẹ yin tomẹnu Gadon Kaya Damatsiri tọn to lẹdo gandudu dokọ̀ tọn Gwale tọn mẹ to ayimatẹn Kano tọn.

Asisa nudọnamẹ tọn lẹ dọdọ Fatima klọ́ Sherifat nado hodo e yì lẹdo Mariri tọn mẹ to lẹdo gandudu dokọ̀ Kumbotso tọn mẹ to ayimatẹn lọ mẹ, fie e sọ́hì i te.

Dopo to asisa nudọnamẹ lọ tọn lẹ mẹ dọdọ, "To whenue yé to ali ji jei Mariri, Fatima họ̀ ohí pẹvi de ahọ́. E plan Sherifat biọ ohọ̀ he yè ma ko gba fó de mẹ bo sọ́hì i whlà susu do adọ̀ mẹ po linlẹn lọ po nado hùi."

Asisa lẹ

• Uwakwe Benson. "Fleeing Kano woman stabs neighbour’s six-year-old daughter". — The Times. May 18, 2023
• Tukur Muntari. "Fleeing Kano woman stabs neighbour’s six-year-old daughter". — Punch. May 18, 2023