Wikilinlin

Nawe Awọnlin-nu awuwhàntọ de hù asísì etọn he yin hohonọ

Azangaagbe, Nuwhàsun 3, 2023

Mí sè dọ nawe owhe 42 mẹvi de, Fatima Rahman, sọn otò Chad tọn mẹ ko yin họnsudo do sẹdotẹn Ikoyi tọn na e hù asísì etọn, Adizat, to owhé etọn gbe to aliklan Alejo, Ijede, to gandudu dokọtọn Ikorodu ayimatẹn Awọnlin tọn mẹ.

Fatima yin zize yi whẹdọtọ P. E Nwaka nukọn to whẹdọhọsa de to Yaba to Oguzangbe na whẹho mẹhuhu tọn wutu.

E yin didọ dọ e ko to adì-dù sọn whenue e sè dọ asu etọn ko dà asi devo. Ye dọ e yì dla nawe hohonọ lọ pọ́n to owhé etọn gbe dile e diọ awusọhia etọn taidi nukunpedomẹgotọ de bosọ sọnú in bọ e kú.

E yin didọ dọ Kọmẹnu matintọ lọ tọn he mọ ẹn whenuena e biọ whé lọ gbe ko sawhẹ̀dokọna ẹn whenuena e mọ apà to okọ̀ po ota matintọ lọ tọn po.

Sọgbe hẹ nuhe Ponọ he to whẹho lọ ji Thomas Nurudeen dọ, nawe lọ wa danu lọ to azan 9tọ́ Lidosun, 2023 to nudi gàn 12:40 to whemẹ to aliklan Alejo, Ijede tọn to the Ikorodu ayimatẹn Awọnlin tọn mẹ.

Whẹdatọ Nwaka dọ e ni yin họnsudo do sẹdotẹn Ikoyi tọn bosọ sẹ̀ owhẹ̀ lọ yi azan 25tọ́ Nuwhàsun, 2023 tọn.

Asisa lẹ

jlado
Gọẹ yi sọn "https://guw.wikinews.org/w/index.php?title=Nawe_Awọnlin-nu_awuwhàntọ_de_hù_asísì_etọn_he_yin_hohonọ&oldid=17045"