Man United hò Everton 3-1 to agbàwhinwlẹn FA Cup tọn mẹ

Sibigbe, Alunlunsun 7, 2023

Manchester United húagbọ anademẹtọ Everton tọn Frank Lampard to Ahọluzangbe, dile yé vankan nado diọ sọn gúgú do alọ Everton tọn mẹ podọ agó dopo ehe David de Gea gbọawupo nado wle po dali, lehe yé fli agó lọ lẹkọ do ji ehe ye do gbawhàn to agbàwhinwlẹn FA Cup tọn lọ mẹ podo agó 3-1 po.

Everton zingbejizọnlin yi Old Trafford podo sijọsijọ po na ye ko tin to otẹn ehe mẹ yé na yin didedẹ sọn Premier League tọn mẹ wutu to godomẹ he Brighton hò yé 4-1 to osẹ dopo die wayi.

Ṣigba aihun lọ bẹjẹeji podo awuvẹ po dile Bọlu-hòtọ nukọntọn na Brazil Antony do agó to nukunwhiwhe ẹnẹtọ mẹ godo.

To nukunwhiwhe aotọ mẹ godo, Conor Coady tẹnpọn nado do agó na nuṣiwa kleun De Gea tọn ṣigba bolu-hòtọ devo sọn godo wẹ wa fli agó lọ na Everton to afọdopolọji to bẹjẹeji adà awetọ aihun lọ tọn mẹ.

Marcus Rashford yidogọna agó Manchester United tọn to nukunwhiwhe godo tọn he yin yíyídogọ to aihun lọ whenu dile e do agó sọn otẹn penalty tọn mẹ.

Asisa lẹ

• "FA Cup: Man United beat Everton 3-1". — Punch. January 6, 2023