Mẹfintọ lẹ fìn glesi Oyo-nu de, bo biọ mẹflikuẹ naira livi 30

Azangaagbe, Nuwhàsun 17, 2023

Whẹndo dawe kanlinyìntọ de he nọ yin Olushola Ayanshola tọn lẹ biọ bẹwlu mẹ to whenue mẹfintọ he fìn in to ali he tọ́n sọn Otu yì Alaga ji lẹ, to lẹdo gandudu dokọ̀ tọn Itesiwaju tọn mẹ to ayimatẹn Oyo tọn, biọ mẹflikuẹ naira livi 30 nado tún in dote.

Linlin lẹ dohia dọ to Sẹgbe whèjai, Ayanshola lẹkọ sọn ogle etọn mẹ he to awà ali Alaga tọn ji, sẹpọ Radio Station, to tòpẹvi Otu tọn mẹ, to whenue mẹfintọ awe he hẹn osò delẹ gbòali na zokẹkẹ etọn bosọ dèso do jẹhọn mẹ nado dobu homẹ na húnkuntọ he wá jei lẹ po afọzọ̀ntọ lẹ po.

Enẹgodo, glesi lọ yin fìnfìn sọyi zunkan de mẹ podọ vivẹnudido whẹndo lọ tọn lẹpo po nuhọtọ lẹ po nado dín fie e te ma tindo kọdetọn dagbe depope.

To whenue Olawale, he yin visunnu Ayanshola tọn to hodọ hẹ linlinnamẹtọ lẹ, e dọdọ mẹfintọ lọ lẹ ylọ whẹndo lọ to Tẹnigbe nado biọ mẹflikuẹ naira livi 30, e yidogọ dọdọ otọ́ emitọn vẹ̀ emi po mẹdaho emitọn Emmanuel po nado wà nudepope he go yé pe nado mọ akuẹ lọ, na mẹfintọ lọ lẹ bla ẹ dote do fide to zunkan lọ mẹ.

Olawale dọdọ, "Nujijọ lọ jọ to nudi ogàn ṣidopo mẹ whèjai to Sẹgbe. Otọ́ ṣie yì ogle etọn mẹ nado deanana azọ́nwatọ he to azọ́nwa to ogle lọ mẹ lẹ bo sú akuẹ yetọn. To whenue e ko basi nuhe e yì wà to ogle lọ, he to awà ali Alaga tọn ji, sẹpọ Radio Station, to tòpẹvi Otu tọn mẹ, fó godo, e wá lẹkọ jei whé to nudi ogàn ṣidopo mẹ to whèjai to whenue mẹfintọ awe delẹ he hẹn osò tọ́n sọn zunkan lọ mẹ mẹ bo tọ̀wu na ẹn."

"Yé dọ na mí dọ otọ́ ṣie jo zokẹkẹ lọ do ali ji bo tẹnpọn nado họ̀n biọ zunkan lọ mẹ dile mẹlẹpo he to nujijọ lọ tẹnmẹ lẹpo to wiwa do to whenue mẹfintọ lọ lẹ jẹ sóde ji."

Asisa lẹ

• Deji Lambo. "Kidnappers abduct Oyo farmer, demand N30m ransom". — Punch. May 17, 2023
• "Kidnappers abduct Oyo farmer, demand N30m ransom". — Headtopics. May 17, 2023