Mẹfintọ de yí mẹflikuẹ, bosọ dì owhe atọ̀n-mẹvi he e fìn gbẹ̀te

Oguzangbe, Lidosun 18, 2023

Dawe owhe 30-mẹvi de, Abubakar Abdulaziz, he wá sọn Sabuwar Santa, to lẹdo gandudu dokọ̀ tọn Musawa tọn mẹ, to ayimatẹn Katsina tọn mẹ, ko yin wiwle do ponọpa mẹ na e yin whẹsadokọna dọ e fìn bosọ dì visunnu owhe atọ̀n-mẹvi de gbẹ̀te.

E yin didọ dọ Abdulaziz ko dì ovi he e fìn lọ gbẹ̀te dile e tlẹ yindọ e ko yí N150,000 sọn N800,000 he e biọ sọn otọ ovi lọ tọn si taidi mẹflikuẹ mẹ.

Hoyidọtọ ponọ lẹ tọn to ayimatẹn Katsina tọn, CSP Gambo Isah, ko dọ to Tẹnigbe dọ nugbo wẹ dọ nujijọ lọ wá aimẹ nugbo.

Isah dọdọ Abdulaziz yin wiwle to Yọnnuzangbe to whenue linlin lọ jẹ yé de godo, podọ e ko yigbe dọ emi gbàsẹ́n lọ nugbo.

Hoyidọtọ ponọ lẹ tọn lọ basi zẹẹmẹ dọdọ, "To Lidosun 12, 2023, to nudi ogàn atọ̀n, whèmẹ tọn mẹ, ponọ lẹ penugo nado wle dawe owhe 30-mevi de he nọ yin Abubakar Abdulaziz, he wá sọn Sabuwar Santa, to lẹdo gandudu dokọ̀ tọn Musawa tọn, to ayimatẹn Katsina tọn, yèdọ mẹhe yin whẹsadokọna dọ e fìn bosọ hù ovi owhe atọ̀n-mẹvi de.

Isah dehia dọ dodinnanu de to yìyì to alọnu gando nujijọ lọ go.

Asisa lẹ

• Dunamis Ogalah. "Kidnapper buries boy, 3, alive after collecting ransom in Katsina". — Daily Post. April 17, 2023
• Olaide Oyelude. "Kidnapper collects ransom, buries three-year-old victim alive". — Punch. April 18, 2023