Mẹdopo kú, omẹ ṣinawe gbleawu to whenue ahi Awọnlin tọn ji miyọ́n

Azangaagbe, Whejisun 29, 2023

Mẹdopo basi matintọ to Oguzangbe bọ ewhe gbau omẹ ṣinawe gbleawu to whenue miyọ́n fiọ ohọ̀ daho awe to ahi Balogun tọn mẹ to ayimatẹn Awọnlin tọn.

Ogbẹ́ NEMA tọn dohia dọ nugbo wẹ do nọtẹn intẹnẹti tọn ji.

Sọgbe hẹ nuhe NEMA dọ, mẹhe kú lọ po mẹhe gbleawu lẹ po yin bibẹ gbọn ogbẹ́ doto lẹ tọn dali bọ omẹ ẹnẹ yin wiwle gbọn ponọ lẹ dali na yé to nutindo lẹ fin wutu.

NEMA dọ dọ, miyọ́n he ji to "No 32 Gbajumo Street, Lagos Island, Lagos State ko yin ṣiṣi.

"Sọn odo ohọ̀ lọ tọn he yin yiyizan na agbànhọ lẹ po 4tọ podọ 5tọ to aga ohọ̀ lọ tọn po ko na ohia nado họ́ na yozo wutu".

"Ogbẹ́ he nọ wa alọgọ to nujijọ ajiji tọn de whenu to gandudu Naijilia, ayimatẹn po dokọ tọn po tin to nujijọ lọ tẹnmẹ. Eyin didọ dọ, miyọ́n lọ bẹjeeji to nudi ogan 10 afọnnu tọn mẹ. Miyọ́n lọ yinuwado ohọ̀ aga tọn atọ̀nnọ de he tin to apá na ohọ̀ aga tọn atọ́nnọ de.

"Ohọ̀ aga tọn atọ̀nnọ lọ fiọ mlẹnmlẹn. Ada he yin bibasi po bliki po na ohọ̀ aga tọn atọ́nnọ lọ ko họ́liai bọ ada he yin bibasi po ogàn po kẹdẹ wẹ po to ote.

"Ohọ̀ aga tọn atọ́nnọ he ji miyọ́n lọ bẹ nusatẹn voovo 350 hẹn bọ ohọ̀ awetọ lọ bẹ nusatẹn 230 hẹn. mẹdopo kú bọ omẹ ṣinawe gbleawu".

Asisa lẹ

• Hannah Johnson. "One dies, seven injured in Lagos market fire —NEMA". — Punch. March 28, 2023

• Precious Igbonwelundu. "One, killed, seven injured in Lagos market fire". — The Nation. March 29, 2023.