Kọmẹnu delẹ wle dawe Ogun-nu de po gbẹtọta lẹ po

Azangaagbe, Lidosun 5, 2023

Kọmẹnu Ipokia tọn lẹ to gandudu dokọ Ipokia tọn to ayimatẹn Ogun tọn mẹ ko wle mẹhe yin nuvẹdo de po ota gbẹtọ tọn delẹ po.

Mẹhe yin nuvẹdo lọ yin yinyọnẹn taidi Gbesemehan Solomon yin whẹsadokọna nado yin dopo to mẹhe ko nọ fin oṣiọ sọn yọdo mẹ to lẹdo lọ mẹ bo nọ de ota yétọn lẹ sẹ.

Linlinwe Punch Metro ko dọ wayi lehe mẹhe ma yin yinyọnẹn delẹ gbà tòpẹvi lọ bo họnyi po gbẹtọta delẹ po sọn yọdo lẹ mẹ.

Kọmẹnu lọ lẹ ko doavigbè gando hugan gbẹtọta 50 he ko yin didesẹ sọn yọdo lẹ mẹ gbọn mẹhe yin nuvẹdo lọ lẹ he nọ wa danu to nuglọ dali.

Nukunmọnu mítọn dọ dọ, kọmẹnu lọ lẹ bẹ yede pli bo wle dawe he yin nuvẹdo nado yin dopo to ogbẹ́ ylankan lẹ mẹ he yindọ azọ́n titengbe etọn wẹ nado nọ fin gbẹtọta to lẹdo lọ mẹ.

Kọmẹnu lọ lẹ wle Solomon to tẹnigbe to lẹdo he yin yinyọnẹn di Idologun.

Eyin didọ dọ, mẹhe yin nuvẹdo lọ jlo na họ́n oṣiọ de whenue eyin wiwle gbọn kọmẹnu lẹdo lọ mẹ tọn lẹ dali.

Eyin wiwle po gbẹtọta de po to sẹgẹ etọn mẹ podo azọ́nwanu he e nọ zan do kùn yọdo lẹ.

Ahọlu Ipokia tọn, Ahọlu Yisa Olaniyan dọmọ, nugbo wẹ dọ dopo to mẹhe nọ dotukla lẹdo lọ lẹ ko yin wiwle.

Sọgbe hẹ nuhe Ahọlu dọ, Mẹhe go yè vẹnudo lọ ko yin zizedo alọmẹ na ponọ lẹ podọ dodinnanu ko bẹjẹeji to afọdopolọ ji.

Olaniyan vẹ̀ Ponọ ayimatẹn lọ tọn lẹ nado wa nuhe yé pe lẹpo nado din gbẹdohẹmẹtọ Solomon tọn lẹ mọ po mẹhe nọ họ̀ gbẹtọta lọ lẹ to e si.

To whenue yè dọhodopọ hẹ Ponọ-gán hodọdopọ azọ́nwhé tọn ayimatẹn lọ tọn, Abimbola Oyeyemi, e dopà dọ emi na wazọ́n do whẹho lọ ji, ṣigba, e ma ko yinude wa sọgbe hẹ ojlẹ linlinnamẹtọ lẹ tọn.

Asisa lẹ

• Daud Olatunji. "arrest Ogun man with human skulls".—Punch. April 5, 2023
• James Ogunnaike. "who removed 50 skulls from graves in Ogun community arrested".—Vanguard. April 5,2023