Jọja he fọ́ngu lẹ dì dawe Benue-nu awe gbẹ̀te
Oguzangbe, Lidosun 25, 2023
Mí sè dọ omẹ awe he yin whẹsadokọna dọ yelẹ wẹ nọgodona hẹvioso de he dọnu to Ikyve to gandudu dokọtọn Konshisha to ayimatẹn Benue tọn mẹ to Sibigbe ko yin didọ dọ ye yin dìdì gbẹ̀te gbọn jọja he to adì-dù lẹ dali.
Ṣigba ponọ-pamẹ ayimatẹn lọ tọn dọdọ mẹdopo wẹ yin dìdì gbẹ̀te. E sọ yin didọ omẹ awe he go yè vẹnudo wẹ ko yin wiwle gando nujijọ lọ go. Dawe de he yin yinyọnẹn taidi Henry Ihwakaa, asi etọn po ovi dopo po wẹ ye dọ hẹvioso hù to Sibigbe to agbegbe lọ mẹ.
Adì nujijọ lọ tọn wutu wẹ jọja lẹdo lọ mẹ tọn lẹ do ṣian yede pli bo yi wle otọ́ mẹhe hẹvioso lọ hù tọn Ihwakaa po mẹho sunnu devo he yèdọ e dogbèpọ po e po. E yin didọ dọ jọja lọ lẹ ko kùn yọdò he ma sisó de bosọ dì yé do e mẹ gbẹ̀te.
Mẹhe yin nukọntọ lẹdo mẹ tọn, Baba Agan, he dohia dọ emi yì jẹwhẹ hó lọ tọn to ponọ-pamẹ Tse Agbaragba tọn, dọdọ whẹpo ponọ lẹ do jẹ gbetato lọ mẹ, dawe mẹho awe lọ lẹ ko kú.
Asisa lẹ
jlado- John Charles."Rampaging youths bury two Benue men alive". — Punch. April 25, 2023
- Scholastica Onyeka."Benue: Police arrest 2 as youths bury grandfather alive over witchcraft allegation". — The Sun. April 24, 2023