Insurance hò Enyimba 1-0 nado gbọṣi otẹn aga tọn mẹ

Oguzangbe, Afínplọsun 21, 2023

Bendel Insurance hò Eyimba 1-0 to aihun azán ṣinẹnẹtọ to Nigeria Professional Football League (NPFL) mẹ to Sẹgbe to Bọlugbatẹn Samuel Ogbemudia tọn, to Benin City.

Agó dopo gee he bọlu-hògbẹ́ he tin to otẹn aga tọn mẹ lọ do wa aimẹ to nukunwhiwhe 29tọ mẹ gbọn bọlu-hòtọ nukọntọn Imade Osenhenkhoe dali ehe zọn bọ Benin Arsenal sọgan do gbọṣi otẹn aga tọn mẹ dile aihun lọ zindonukọn jẹ ose atọ̀ntọ mẹ.

To agó lọ godo, bọlu-hògbẹ́ The People's Elephant tẹnpọn nado gọjẹ zẹnzẹn ṣigba vivẹnudido yetọn yin aliglọna gbọn bọlu-hòtọ godo tọn na Insurance lẹ dile bọlu-hògbẹ́ he tin to whegbe lọsu gú dotẹnmẹ hundote susu lẹ nado do agó.

Godonọnamẹtọ bọlu-hògbẹ́ he tin to whegbe lọ lẹ nọ godo na ogbẹ́ yetọn to aihun lọ blebu mẹ bosọ to opẹ hò na ye to whenuena ye tẹnpọn nado do agó.

Dile aihun lọ to yíyí fifó whenu, anademẹtọ Enyimba tọn, Finidi George vẹ̀ bọlu-hòtọ etọn lẹ nado do vivẹnu dogọ ṣigba yé gbọawupo nado jẹ zẹnzẹn.

Insurance ma ko gú to aihun depope mẹ dile ye ko tindo agó (points) 23 to aihun ṣinẹnẹ mẹ to whenuena Enyimba tindo agó (points) 16 to sọha aihun dopolọ mẹ hẹ mẹdiẹ lẹ.

Asisa lẹ

• Adeyinka Adedipe. "Insurance pip Enyimba 1-0, maintain top spot". — Punch. February 20, 2023