Ihenacho do agó ogàngodo tọn dile Super Eagles pegan na agbàwhinwlẹn AFCON tọn
Tẹnigbe, Ayidosun 19, 2023
Super Eagles Naijilia tọn ko pegan na agbàwhinwlẹn 2023 Africa Cup of Nations to whenuena yé duto Sierra Leone ji podo agó 3-2 po godo to Sẹgbe. Agó awe Victor Osimhen tọn podo agó awhàngbigba ogàngodo tọn sọn Kelechi Ihenacho so wẹ hẹn awhàngbigba yọnbasi na ogbẹ́ yetọn. Naijilia tindo nuhudo ozẹnsisọ tọn to Liberia fihe yin owhe Sierra Leone tọn na ojlẹ vude dile e yindọ yé ma tindo bọlu-gbatẹn he klo nado hẹn agbàwhinwlẹn daho lẹ nado sọgan pegan to agbàwhinwlẹn azán atọ́ntọ mẹ.
Super Eagles bẹ aihun lọ jẹeji to alihò dagbe de mẹ, dile yé jẹ nukọn podo agó awe po to nukunwhiwhe 32 gblamẹ podọ opẹ daho wẹ na bọlu-hòtọ nukundeji Napoli tọn Osimhen he do agó awe lọ lẹ.
E do agó tintan etọn gbọn zize bọlu gbọn ota na bọlu-wletọ Ibrahim Sesay he yin owhe 18 mẹvi he sisẹ bọlu lọ do odọ mẹ na edetiti.
Sierra Leone fli agó dopo lẹkọ whẹpo adà tintan aihun lọ tọn do wa vivọnu gbọn Mustapha Bundu dali bọ Augustus Kargbo fli agó awetọ nado jẹ ozẹn to nukunwhiwhe ṣidopotọ he po whẹpo aihun lọ nado wa vivọnu mẹ.
Ihenacho he yin bọlu-hòtọ Leicester City tọn ehe sin ogbẹ́ ko tọ́n agbàwhinwlẹn Premier League tọn mẹ to osun he wayi wẹ do agó awhàngbigba tọn to nukunwhiwhe atọ́n he yin yíyí dogọ mẹ.
Naijilia podo Sierra Leone po nọ saba donu hia yẹdelẹ dile Sierra Leone he yin jonọ fli agó ẹnẹ lẹkọ to nukunwhiwhe 29 godo nado jẹ ozẹn to agbàwhinwlẹn 2021 Cup of Nations qualifier mẹ.
Kọdetọn dohia dọ Guinea-Bissau, he duto Sao Tome e Principe ji to osẹ lọ gblamẹ ko pegan to pipli A tọn mẹ podo agó (points) atọ̀n po podọ nukọntọ he yin Naijilia po.
Asisa lẹ
jlado- "Ihenacho grabs late winner as Super Eagles qualify for AFCON".– Vanguard. June 18, 2023
- Peter Akinbo. "Eagles edge Sierra Leone 3-2, qualify for AFCON".– Punch. June 19, 2023