Haiti pegan na adà bọlu-hihò yọnnu lẹdo aihọnpe lẹ tọn na whla tintan

Ahọluzangbe, Afínplọsun 24, 2023

Haiti ko pegan na bọlu-hihò yọnnu lẹdo aihọnpe tọn na whla tintan to whenuhó yetọn mẹ dile yé duto Chile ji podo agó 2-1 po to Azangaagbe to New Zealand.

Ye hopodona England, Denmark podo China po to pipli D tọn mẹ to bọlu-hihò lẹdo aihọnpe he yin awuwlena gbọn New Zealand podo Australia po dali.

Haiti he tin to otẹn 55tọ mẹ to aihọngbẹ́ lọ blebu mẹ, na pe England to bẹjẹeji agbàwhinwlẹn yetọn mẹ to Brisbane azán 22tọ Liyasun.

Bọlu-hòtọ otẹn ṣẹnṣẹn mẹ tọn na Stade Reims, Melchie Dumornay, wẹ do agó nado ze Haiti do nukọn whẹpo adà tintan aihun lọ tọn do wa vivọnu to Auckland.

Nujijọ lẹ waimẹ to adà vivọnu aihun lọ tọn.

Haiti wle penalty to nukunwhiwhe 90tọ mẹ to whenuena anademẹtọ ogbẹ́ lọ tọn de penalty lọ yi ogbé.

Etomoṣo, bọlu-hòtọ owhe 19-mẹvi lọ Dumornay sọ do agó devo nado yidogọna nukọnyiyi Haiti tọn dile e e gbá bọlu gbọn apá na bọluwletọ Chile tọn Christiane Endler to nukunwhiwhe pẹvide he yin yiyidogọ mẹ.

Maria Jose Rojas he yin didiọ do aihun lọ mẹ wẹ fli agó homẹmiọnnamẹ tọn dopo lẹkọ na Chile to ogàngodo.

Asisa lẹ

• "Haiti reach FIFA Women’s World Cup for first time". — Vanguard. February 22, 2023