Húnkuntọ he nùahànmú de hù nujlatọ de to Ondo

Oguzangbe, Nuwhàsun 16, 2023

Sunnu jọja de he nọ yin Bassey Edet, yin hùhù gbọn ohún daho de dali he bẹwezun biọ húnglitẹn de mẹ to tòpẹvi Odigbo tọn mẹ, he yin tatọtẹnnọ gandudu dokọ Odigbo tọn to ayimatẹn Ondo tọn mẹ.

Eyin didọ dọ, mẹhe go nujọ do lọ to nujla to húnglitẹn lọ whenue nujijọ lọ wa aimẹ to Sibigbe. Mọto he basi asidan lọ wẹ Toyota Picnic he tindo nọmba EPE 576DC.

Kunnudetọ de dọmọ, ohúnkuntọ lọ ma ko yin yinyọnẹn to whenue linlin ehe to yinyin kinkan, ṣigba e ko nùahànmú to whenue e to húnkun.

"Húnkuntọ lọ to wezunji taun, bo biọ mọtoglitẹn de bo hú jọja de. Mẹhe bẹwezun jẹ nujijọ lọ tẹnmẹ lẹ sewán ahàn tọn to nùmẹ na húnkuntọ lọ, dile kunnudetọ lọ dọ do.

Húnkuntọ lọ ko yin wiwle gbọn ponọ lẹ dali, whenuena ohún lọ po kẹkẹ lọ po ko yin bibẹ yi Ponọpá Odigbo tọn.

To ojlẹ enẹ mẹ, agbasa mẹhe basi matintọ lọ tọn yin zize sọyi mọgu to Ore.

Ponọ-gán hodọdopọ azọ́nwhé tọn, Funmilayọ Odunlami dọmọ, dodinnanu ko bẹjẹeji do whẹho lọ ji.

Asisa lẹ

• Peter Dada. "Drunk driver kills hawker in Ondo" —Punch. May 15, 2023
• Dayo Johnson. "Drunk driver kills teenage hawker in Ondo" —Vanguard. May 15, 2023