Hùndotọ 16 jimiyọ́n jẹ kúdonu to asidan mọto tọn de whenu to Osun

Sibigbe, Lidosun 29, 2023

Nudi gbẹtọ 16 wẹ yè dọdọ yé jimiyọ́n jẹ kúdonu to asidan de he jọ to Ahọluzangbe to Odeomu, to ayimatẹn Osun tọn whenu.

Fatai Lasisi, he nọ nọ̀ lẹdo Odeomu tọn mẹ bosọ sẹpọ fie asidan lọ jọ te, dọdọ mọto awe he go nujijọ lọ jọ do lẹ pé yede wẹ.

Lasisi dọdọ mọto daho Mazda de he ja sọn Osogbo pé gbẹduhun de he ja sọn Ikorodu to ayimatẹn Awọnlin tọn bo wá jei Oshogbo.

Sọgbe hẹ nuhe Lasisi dọ, mọto daho Mazda lọ he hẹn gas cylinder de to godo ma sọ sọgan yin anadena ba tlolo he gbẹduhun lọ dukosọ hẹ ẹ podọ e dli biọ zunkan mẹ bo wle miyọ́n.

Podọ ga, to whenue Kareem Isau, he yin azinponọ hoho ogbẹ́ National Union of Road Transport Workers, Odeomu Branch tọn, to hodọ gando nujijọ lọ go, e dọdọ emi jẹ nujijọ lọ tẹnmẹ to whenue mọto he du miyọ́n lọ ko to miyọ́nji.

E dọdọ oṣiọ 16, he ovi 5 to yé mẹ, yin dide tọ́n sọn mọto he jimiyọ́n lọ mẹ, ṣigba omẹ atọ̀n gọna húnkuntọ mọto he jimiyọ́n lọ tọn lẹ gán.

Isau dọdọ, "N'jẹ fie nujijọ lọ wá aimẹ te to nudi ogàn ṣinawe whèjai tọn mẹ to Ahọluzangbe. Mẹhe n'mọ to finẹ lẹ dọna mi dọ gbẹduhun de he wá sọn Ibadan-waji hosà na mọto daho de he tọ́n sọn Oshogbo bo wá jei Ibadan. Mọto daho lọ ma sọgan yin anadena ba bo dli biọ zunkan mẹ. Tlolo he enẹ jọ, mọto lọ wle miyọ́n na gas cylinder de yin zize do mọto lọ godo wutu."

Asisa lẹ

• Bola Bamigbola. "16 passengers burn to death in Osun road accident". — Punch. April 29, 2023
• Francis Ezediuno. "Many passengers burnt to death in Osun fatal road crash". — Daily Post. April 29, 2023