Fulham hò Chelsea bo hẹn kọgbidinamẹ Potter tọn sudeji
Ahọluzangbe, Alunlunsun 13, 2023
Fulham hẹn kọgbidinamẹ anademẹtọ Chelsea tọn he yin Graham Potter sudeji podo awhàngbigba nupaṣamẹ tọn de po podọ agó 2-1 po ehe zọn bọ bọlu-hòtọ nukọntọn na Chelsea Jao Felix do yin didesẹ sọn aihun lọ mẹ mahopọna dọ aihun tintan etọn hẹ ogbẹ́ lọ niyẹn whẹpo Kepa Arrizabalaga lọsu sin nuṣiwa do dekọtọndọ agó.
Bọlu-hòtọ adà Potter tọn he tin to tukla mẹ ko gú aihun ṣianwe to aihun ao ehe yé ko tindo mahẹ te mẹ.
Bọlu-hòtọ dai tọn na Chelsea Willian wẹ do agó sọta yé to adà tintan aihun lọ tọn whenu to nọtẹn Craven Cottage tọn mẹ ehe dlan Chelsea do godo.
Kalidou Koulibaly fli agó lọ lẹkọ to gbọjẹ godo ṣigba Felix yin didesẹ na kanyinylan etọn do Kenny Tete whẹpo Carlos Vinicius do do agó awhàngbigba tọn to nuṣiwa Kepa tọn godo.
Asisa lẹ
jlado- "Fulham beat Chelsea, pile pressure on Potter". — Punch. January 12, 2023