Erling Haaland do agó atọ́n nado nọzẹ́n to kàndai Champions League tọn mẹ
Azangaagbe, Whejisun 15, 2023
Erling Haaland ko sọgbe hẹ kàndai agódotọ atọ́n lẹ tọn to aihun Champions League dopo gee mẹ dile e do agó atọ́n na Manchester City nado duto Leipzig ji to Oguzangbe.
Bọlu-hòtọ Norway-nu lọ ko do agó hat-trick atọ́ntọ etọn na Man City nado hẹn yé pegan na adà bọlu-hògbẹ́ ẹnẹ he gbọngodo lẹ tọn to Champions League mẹ.
Agó dagbe awe to bẹjẹeji adà awetọ aihun lọ tọn whenu sọzẹn pẹpẹ hẹ agó etọn to owhe tintan mẹ to Man City podo agó 39 po nado tindo kàndai yọyọ devo.
Lionel Messi kẹdẹ wẹ tindo wadotana dagbe mọnkọntọn to whenuena e to bọlu gbá na Barcelona to aihun de mẹ sọta Bayern Leverkusen to 2012 podọ Luiz Adriano to Shakhtar Donetsk sọta Bate Borisov to 2014 podo agó 7-0 po wẹ e ko do agó atọ́n to aihun dopo gee mẹ wayi to Champions League mẹ.
Mọdopolọ Erling Haaland ma yin nina dotẹnmẹ nado jẹ kàndai yọyọ devo kọn dile e yin didiọ to nukunwhiwhe 25tọ whẹpo aihun lọ do wa vivọnu mẹ na Julian Alvare.
Asisa lẹ
jlado- "Haaland hits five to match Champions League record". — Punch. March 14, 2023
- "Man City 7-0 Leipzig (agg: 8-1): Haaland hits five on record-breaking night". — UEFA. March 14, 2023