Dawe owhe kande-wiẹnẹ mẹvi de fìn alokan kande-gbàn to Oyo

Sẹgbe, Lidosun 2, 2023

To Ahọluzangbe, dawe owhe kande-wiẹnẹ mẹvi de sọawuhia to owhẹ̀ the nukọ̀n to whẹ̀datẹn Iyaganku Magistrates Court tọn, to Ibadan, na e yin whẹ̀sadokọna dọ e fìn alókan 70 he akuẹ yetọn sọ̀ Naira livi 1.75 wutu.

Udoh yin hinhẹn yì owhẹ̀ nukọ̀n na owhẹ̀ sébibla po ajojijẹ po tọn.

Etomọṣo, dawe lọ vẹvẹ dọ homẹvọnọ wẹ emi yin to whẹ̀ho lọ mẹ.

Whẹ̀yidọtọ, ASP Sikiru Ibrahim, dọna whẹ̀datẹn lọ dọ Udoh po mẹdevo he go alọ̀ ma ko jẹ lẹ po fìn nulọ lẹ to azán 30tọ Whejisun tọn, sọn ogàn 12 zánhomẹ tọn mẹ jẹ ogàn 5 mẹ afọ́nnu.

Ibrahim sawhẹ̀dokọna Udoh dọ e fìn alókan itel tọn kande-ao, he akuẹ yetọn sọ̀ N750,000 po alókan daho 20 po he akuẹ etọn yi Naira Livi dopo po sọn dawe de he ye ylọdọ Nwaoma Ezeco si.

E dọ whẹhutọ lọ hùwhẹ wekun sọha 516tọ to po 390tọ to apa ṣinẹnẹtọ to osẹ́nwe ayimatẹn Oyo tọn mẹ, sọgbe hẹ vọkan owhe 2,000 tọn.

Whẹ̀datọ lọ whesi T. B. Oyekanmi, dọ mẹhe ye sawhẹ̀dokọna lọ ni su akuẹ Naira 500,000 podọ ga na omẹ awe ni nọte naẹn dogọ bo ka su akuẹ mọnkọtọn ga.

E sẹ whẹdidọ lọ dọ azan koatọ́n-nukundopotọ Lidosun tọn na dodinnanu lẹ nido sọgan yọnbasi do gọ.

Asisa lẹ

• "54-year-old man steals 70 phones in Oyo". — Punch. March 31, 2023
• Francis Ugwu. "54-year-old allegedly steals 70 phones in Ibadan, arraigned in court". — Daily Post. March 31, 2023