Dawe owhe 32-mẹvi de to whẹnukọn na okú họntọn yọnnu etọn tọn wutu
Yọnnuzangbe, Lidosun 27, 2023
To Oguzangbe, dawe owhe 32-mẹvi de he nọ yin Ayomide Adewale yin zize yì owhẹ̀ nukọn na e yin whẹsadokọna dọ e hù họntọn yọnnu etọn, Hannah Eniku.
E yin didọ dọ e na Eniku amasin he ma yin yinyọnẹn de po linlẹn lọ po nado dehò na ẹn.
Dawe he yin whẹsadokọna lọ yin zize yì whẹdatẹn gbọn ponọ lẹ dali, to whẹdatọ O.Y. Adefope nukọn, to whẹdatẹn de he to lẹdo Yaba to ayimatẹn Awọnlin tọn.
Linlin lẹ dohia dọ matintọ lọ po mẹhe yin whẹsadokọna lọ po pé to nọtẹn Facebook tọn de ji bo biọ họntọn mẹ to Ayidosun 2022 tọn.
Nudọnamẹ lẹ sọ wá dohia dọ to whenue matintọ lọ mọhò na mẹhe yin whẹsadokọna lọ, dawe lọ vẹ̀ ẹ nado dehò lọ na emi ma tindo akuẹ wutu.
To Abọ̀húsun 2022 tọn, e yin didọ dọ matintọ lọ yì bajonọ mẹhe yin whẹsadokọna lọ to owhe etọn gbe to Gospel Street, Mashalashi, Alagbado, to Awọnlin, fie e na ẹn amasin de nado nù te.
Sọgbe hẹ nuhe onọ̀ matintọ lọ tọn dọ, e lẹkọ wá whégbè po homẹwle sinsinyẹn po podọ e yin zize yì dotowhé daho Ikorodu tọn po awuyiya po fie anazọ́n de yin bibasi na ẹn te. Ṣigba e wá kú to anazọ́n lọ godo.
Asisa lẹ
jlado- Naomi Chima. "32-year-old man in court over girlfriend’s death". — Punch. April 27, 2023
- "32-year-old man in court over girlfriend’s death". — Headtopics. April 27, 2023