Dawe de yin wiwle na e sọ́nu họntọn etọn kakajẹ okú

Yọnnuzangbe, Ayidosun 8, 2023

Dawe owhe 38 mẹvi de, Raphael Agu, ko yin wiwle yi whẹ̀nukọn to whẹ̀dọhọ̀sá Ikoyi tọn to ayimatẹn Awọnlin tọn mẹ na whẹho mẹhùhù tọn wutu.

Agu yin hinhẹnwa whẹ̀nukọn to Yaba Awọnlin to Oguzangbe na whẹho mẹhùhù tọn voovo awe wutu.

Whèhutọ lọ yin whẹsadokọna dọ e sọ́nu họntọn etọn, Stanley Ugo, sọn adọmẹ po ohi de po to Nuwhàsun 25, 2023, to avùnhiho de whenu to lẹdo Ogudu tọn mẹ to ayimatẹn lọ mẹ.

Họ̀gbátọ de yi akuẹ naira 15000 na whẹ̀hutọ lọ na e nido má po hagbẹ́ etọn lẹ po to Transformer Bus Stop waji to lẹdo Ogudu tọn to ayimatẹn lọ mẹ, ehe e sọ basi.

Etomọṣo, mẹhe basi matintọ lọ po omẹ devo de po, to ojlẹ de godo, wa whẹhutọ lọ de bo wa dọna ẹn dọmọ, akuẹ he e má lọ ma sọzẹn, enẹwutu, avùn de bẹjẹeji na nudindọn wutu.

Whẹhutọ lọ, to avùnhiho lọ whenu, e yi ohi de bo sọ́ adọmẹ na mẹhe basi matintọ lọ.

Agọjẹdo sẹ́nhẹngbatọ, Thomas Nurudeen, dọna whẹ̀datẹn lọ dọmọ, sẹ́nhẹngba lọ jẹagọdo osẹ́n Section 222 bosọ tindo yasanamẹ to osẹ́n Section 233 to osẹ́n sẹ́nhẹngba ayimatẹn Awọnlin tọn glọ, Naijilia, 2015.

Nurudeen dọna Whẹ̀datọ P.E Nwaka nado flinnu whẹ̀hutọ dọ e tindo ayinamẹ he e na mọyi na azan 30 sọn ogán Whẹylọmẹtọ he sọgbe hẹ osẹ́n lọ de.

Gbenina obiọ lọ, Nwaka degbe dọ whẹ̀hutọ lọ ni yin wiwle sọyi Ikoyi Custodial Centre podọ wema owhẹ̀ lọ tọn do na yin vivọ zinjẹgbonu bo na yin sisẹdo DPP na ayinamẹ he sọgbe.

Nwaka sọ sẹ owhẹ̀ lọ yinukọn jẹ Liyasun 5, 2023.

Asisa lẹ

• Naomi Chima. "Man remanded for stabbing friend to death"—Punch. June 7, 2023
• Ita Precious. "Man remanded for stabbing friend to death"—The Times. June 7, 2023