Dawe de slokọna họntọn yọnnu etọn he tin to ohò to Kano

Azangaagbe, Lidosun 5, 2023

Omẹ Ponọ ayimatẹn Kano tọn lẹ ko wle dawe de Philibus Ibrahim na e slokọna họntọn yọnnu etọn, Theresa Yakubu he yin owhe 22 mẹvi wutu.

Linlinhọsa News Agency Of Nigeria (NAN) dohia dọ Ibrahim, he hùwhẹ lọ to gandudu dokọtọn Tudun-Wada ayimatẹn lọ tọn yin wiwle po awetọ etọn Gabriel Bila po, ye tlọn gandudu dokọtọn Unguwar Korau po Tudun-Wada tọn po.

Ponọ-gán ayimatẹn lọ tọn Mamman Dauda, hẹn ẹn diun na NAN to Oguzangbe to Kano dọ yé omẹ awe lẹ ko yín wiwle. Dauda dọdọ, "To azan 2tọ́ Lidosun to nudi gàn 4:30 whemẹ tọn, mí mọ linlin de yí sọn Samalianu dagbe de si dọ Viyọnnu de he bà ede mẹ po yin mimọ to kọmẹ to alitó, to aliho Kano-Jos tọn ji to gbetato Anadaria tọn mẹ.

"Tlolo he mi sè owẹn lọ, hagbẹ Ponọ delẹ tọn yawu jẹ otẹ̀n lọ mẹ bosọ ze viyọnnu lọ yi dotowhe daho Tiga tọn fie doto hẹn ẹn diun dọ e ko kú te. Dodinnanu dohia dọ matintọ lọ tlọn Nassarawan Kuki to gbetato Yantomo tọn to gandudu dokọtọn Garin Babba he tin to Kano to azan 27tọ́ Whejisun tọn to nudi gàn Ṣidopo mẹ to whejayi.

"To dodinnanu lọ whenu, mẹhe go yé vẹnudo taun lọ yin wiwle, e sọ yigbe nuṣiwa lọ tọn gbọn kọslona matintọ lọ po nukunmẹṣinyọnnu etọn po dali". Dauda dọdọ eyin ye ko dotana dodinnanu yetọn godo, mẹhe go yé vẹnudo lọ lẹ na yin bibẹ yi whẹnukọn.

Asisa lẹ

• Agency Report." Man strangles pregnant girlfriend in Kano". — Punch. April 5, 2023
• Zahraddeen Yakubu Shuaibu." Lover Strangles Pregnant Girlfriend To Death". — Daily Trust. April 5, 2023