Dawe de sà ovi owhe atọ́n mẹvi de na whẹndo de to Rivers

Yọnnuzangbe, Whejisun 23, 2023

Whẹdatẹn daho Port Harcourt tọn ko dawhẹ okú tọn na Promise Thompson gbọn okàn didokọ dali na eyin jaguda bosọ yin ovi fintọ de wutu.

Thompson po jaguda-gbẹ́ etọn, Beatrice Ogbunka po nọ nọpọ nado wa danu voovo atọ̀n ehelẹ Jaguda, mẹfinfin po ovi finfin po.

Yé yin whẹsadokọna dọ yé deso do Chidiebere Ogbugu bo fin ovi owhe atọ́n mẹvi etọn.

Nujijọ lọ yin didọ dọ e wa aimẹ to kọ́yànsun 25, 2018 to Rumuolumeni , gandudu dokọ Obio/Akpor tọn to ayimatẹn Rivers tọn mẹ.

Etomọṣo, Ogbunka ko yin wiwle to ojlẹ de mẹ wayi do ponọpámẹ, to whenue e yin didetọn na ojlẹ de sọn ponọpámẹ na yè nido basi dodinnanu do whẹho lọ ji wẹ e họn sọyi.

Mẹhe tin to otẹn whẹdatọ tọn mẹ, Justice Sika Henry-Aprioku, to whẹdida etọn mẹ dọmọ, whẹyidọtọ agọjẹdo sẹ́nhẹngbatọ lọ na kunnudenu dọ Thompson ze ovi lọ yi ayimatẹn Abia tọn bo sà ẹ bọ mẹhe ovi lọ yin sisà na sọ sà na mẹdevo.

Justice Henry-Aprioku sọ sẹ́ mẹdevo de he nọ yin Chisom Lucky do ganmẹ na owhe ṣianwe po asu etọn Lucky po he na sẹngàn na owhe ao na whẹho ovi finfin tọn wutu, e họ̀ ovi lọ sọ́n Thompson sí bosọ sà ẹ na mẹdevo.

Asisa lẹ

• Dennis Naku. "Man sells five-year-old child to Rivers couple". — Punch. March 23, 2023
• Obinna Nwaoku. "Rivers court sentences man to death by hanging for armed robbery". — The Guardian (Nigeria). March 22, 2023