Danuwatọ lẹ hù ponọ lẹ na mẹfligọkuẹ he ma yin súsú wutu

Ahọluzangbe, Whejisun 31, 2023

Danuwatọ lẹ ko hù ponọ-gán awe he ko yi gbọjẹ sọn azọ́nmẹ lẹ po omẹ atọ̀n devo lẹ po to mẹhe hugan 60 he yin finfin to Adunu to gandudu dokọtọn Paikoro po Beni po, podọ to gandudu dokọtọn Munaya to ayimatẹn Niger tọn mẹ.

Eyin didọ to azangaagbe dọ, nujijọ lọ wa aimẹ to Tẹnigbe zanmẹ.

Nuhe yin sisè wẹ yindọ, mẹhe yin hùhù gbọn danuwatọ lọ lẹ dali yin avase de na lẹdo lọ na mẹfligọkuẹ naira livi 100 he yin bibiọ dona yin súsú do mẹwhenu.

Sọgbe hẹ nuhe fininọ lẹdo Adunu tọn, Mallam Kabiru Bawa dọ, e dọmọ, yọnnu atọ̀n wẹ yin tuntundote to Oguzangbe gbọn danuwatọ lẹ dali, to whenue yé ko zánhẹ ye gannu-gannu godo nado yi dowhẹn gando mẹhe ko yin hùhù lẹ na mẹhe tin to lẹdo lọ mẹ lẹ.

"Mí wa mọnukunnujẹemẹ dọ, sunnu mẹho atọ́n lọ lẹ ko yin hùhù whenue yọnnu atọ̀n to mẹhe yin finfin lẹ mẹ yin tuntundote to whenue yé ko zánhẹ yé gannu-gannu na osẹ awe godo.

Yọnnu lọ lẹ dọ dọ, mẹhe yin hùhù lọ lẹ yin ponọ-gán he ko yí gbọjẹ sọn azọ́nmẹ, he nọ yin Moses Tanko bo tindo tẹnmẹyinkọ lọ Arada System po ponọ-gán devo he gbẹ to azọ́nmẹ, yinkọ etọn mayin yinyọnẹn," dile Bawa dọ do.

Danuwatọ lẹ na ojlẹ he mẹfligọkuẹ naira livi 200 he wa yin didepo do naira livi 100 lọ dona yin súsú te, enẹ wẹ Sẹgbe, Whejisun 26.

Eyin didọ nugomape mẹhe tin to lẹdo lọ mẹ lẹ tọn nado mọ mẹfligọkuẹ lọ wẹ hẹn okú wa na sunnu atọ́n lọ lẹ.

Bawa dọmọ, yọnnu he yin tuntundote lẹ hẹn zun yinyọnẹn na kọmẹnu lẹ dọ danuwatọ lọ lẹ to hùhù mẹhe yin finfin lọ lẹ taun.

E yidogọ dọmọ, omẹ atọ̀n devo he yin hùhù lẹ yin finfin sọn lẹdo Beni tọn to gandudu dokọ Munya tọn to ayimatẹn lọ mẹ.

Mẹhe adángbo lẹ finfin to osẹ awe die to gandudu dokọ tọn awe lẹpo to ayimatẹn lọ mẹ.

Ponọ ayimatẹn lọ tọn ma ko na gbeta de whenue Ponọ-gán hodọdopọ azọ́nwhé tọn, Abiodun Wasiu lọsu ma dọhó de.

Asisa lẹ

• Aisha Wakaso. "kill policemen over unpaid ransom". — Punch. March 31, 2023
• Uwakwe Benson. "kill policemen over unpaid ransom". — Punch. March 31, 2023