Danuwatọ Benue tọn lẹ hù nuhọ́tọ awe po nawe de po
Sibigbe, Zósun 9, 2023
Danuwatọ sòhẹntọ lẹ hù nawe de po nuhọtọ awe delẹ po to ogba, he yin tatọtẹnnọ gandudu dokọ Logo tọn to ayimatẹn Benue tọn mẹ.
Nukunmọnu mítọn bẹpli dọmọ, nuhọtọ lọ lẹ yin hùhù to Ugba, whenuena nawe lọ yin hùhù to Abeda-Shitile, ehe lẹpo jọ to gandudu dokọ Logo tọn mẹ.
Mẹsusu devo lẹ gbleawu taun to whenuena danuwatọ sòhẹntọ lọ lẹ jẹ osò de ji do gbetatotọ lọ lẹ to Yọnnuzangbe.
Azinponọ gandudu dokọ lọ tọn he wayi, Terser Agber, he dọhóna linlinnamẹtọ lẹ to alokan ji, hẹn diun dọ sunnu awe yin hùhù nugbo.
E dọmọ, "Nugbo wẹ, omẹ awe he yin ponọgán ogbẹ́ vigilante tọn yin hùhù gbọn danuwatọ sòhẹntọ lẹ dali, yé yin ogán na nuhọtọ he ze yede jo to alọnu din lẹ."
Ponọgán hodọdopọ azọ́nwhé tọn na nuhọtọ he ze yede jo lẹ to lẹdo Benue tọn mẹ, Ahokegh Terkimbi, dọna nukunmọnu mítọn to alokan ji dọmọ, omẹ awe yin hùhù gbọn danuwatọ sòhẹntọ lẹ dali.
Terkimbi, mẹhe ma ko mọ nudọnamẹ gigọ gando nujijọ lọ go, dọmọ, dawe lọ lẹ he wazọ́n dopọ po ogbẹ́ vigilante tọn he masọ to azọnwa ba to lẹdo lọ mẹ whẹpo dopo to yé mẹ wa mọ azọ́nplọnmẹ yi bo to tepọn nado yin alọkẹyi do ogbẹ́ BCVG tọn mẹ.
Hoyidọtọ Ponọ lẹ tọn , SP Catherine Anene dọmọ, emi ma mọdona nujijọ lọ.
Asisa lẹ
jlado- John Charles. "Benue bandits kill two guards, woman".—Punch. September 9, 2023
- Peter Duru. "Again, unknown gunmen kill two Benue Guards members, lady in Logo LG". Vanguard. September 9, 2023