Chelsea hò West Ham agó 5-0 nado hẹ aga jẹ otẹn ṣinawetọ to EPL mẹ
|
This article is written in Gun (Gungbe) |
Oguzangbe, 7 Nuwhàsun 2024
To Sẹgbe, Chelsea do nugopipe yetọn hia dile yé hò West Ham agó 5-0 to Stamford Bridge nado hẹ aga jẹ otẹn ṣinawetọ to todohukanji English Premier League tọn mẹ.
Mauricio Pochettino to vivẹnudo nado diọ linlẹn Todd Boehly he yin dopo to hagbẹ hẹ tindo bọlu-hògbẹ́ lọ nado na ẹ lẹblanulọkẹyi awetọ nado deanana bọlu-hògbẹ́ lọ to owhe he na bọdego mẹ.
Pochettino lọsu yigbe dọ "E má tin to huhlọn emitọn mẹ nado basi dide" ṣigba ni e tẹnpọn nado hẹn bọlu-hògbẹ́ lọ pegan na adà depope to agbàwhinwhlẹn "Europe" tọn be e vi bibasi nado glọnalina azọ́nhinhẹndote etọn.
Cole Palmer wẹ ze Chelsea do nukọn to nukunwhiwhe 15tọ mẹ he yin agó 21tọ etọn to owhe ehe mẹ.
Conor Gallagher do agó awetọ na Chelsea to nukunwhiwhe 30tọ mẹ to whenuena Kurt Zouma he yin bọlu-hòtọ́ West Ham tọn gbá bọlu na adà awetọ to mayọnẹn mẹ.
Noni Madueke do agó atọ̀ntọ to nukunwhiwhe 36tọ mẹ podo ota po sọn alọgọ Thiago Silva de.
Nicolas Jackson do agó devo to nukunwhiwhe 48tọ mẹ podo alọgọ sọn Madueke de.
Bọlu-hòtọ́ otẹn nukọntọn na Senagal sọ do agó devo to nukunwhiwhe 10tọ he po mẹ.
Gúgú West Ham tọn sọgan yinuwa do sọgọdo anademẹtọ West Ham tọn ji he nọ yin David Moyes he ko yin hòdọdegọ gbọn hodotọ bọlu-hògbé lọ tọn dali.
West Ham he wa tin to otẹn ṣinẹnẹ mẹ ko to hòdọ hẹ Julen Lopetegui he yin anademẹtọ dai tọn na Wolves nado wa jẹ otẹn Moyes tọn mẹ, mẹhe sin azọ́n na wa vivọnu to vivọnu owhe lọ tọn.
Asisa lẹ jlado
- "‘Resurgent’ Chelsea hammer West Ham 5-0, climb to 7th on EPL log". — Vanguard. May 5, 2024.
- "EPL: Chelsea thrash West Ham to move above United'". — Punch. May 5, 2024.