Casemiro yin nina kati vẹvẹ dile Man United nọzẹn podo Southampton po
Oguzangbe, Whejisun 14, 2023
Manchester United tẹnpọn nado nọzẹn mahopọna kati vẹvẹ he yin nina Casemiro to bẹjẹeji aihun lọ tọn whenu sọta Southampton dile vivẹnudido ogbẹ́ awe lọ lẹ tọn fó do ozẹn.
Erik ten Hag zinnudo dandanu yinyin awhàngbigba ogbẹ́ lọ tọn dile Red Devils lẹ lẹkọ do Premier League na whla tintan to whenuena yé gú godo podo agó 7-0 po to osẹ he wayi do alọ Liverpool tọn mẹ.
United lẹ do yede hia dile yé lẹkọ nado hò Real Betis to Yọnnuzangbe bosọ do nugopipe yetọn hia dile yé nọzẹn podo Southampton po mahopọna dọ Casemiro yin didesẹ sọn aihun lọ mẹ ehe yin whla awetọ etọn tọn to owhe ehe mẹ.
Bọlu-hòtọ Brazil-nu lọ ma hùnhomẹ to whenuena vankuntọ Anthony Taylor na ẹn kati vẹvẹ to nukunwhiwhe 24tọ mẹ to anademẹ VAR tọn glọ nado vọ nuyiwa sọta Carlos Alcaraz lọ pọn to mẹpọnnu ji.
Asisa lẹ
jlado- "Casemiro sees red as Man United draw Southampton". — Punch. March 12, 2023
- Rob Dawson. "Man United's momentum halted at Southampton after Casemiro's red card". — ESPN. March 12, 2023