Wikilinlin

Benin de oyẹ́ Super Eagles tọn bo duto Naijilia ji na whla tintan

     

This article is written in Gun (Gungbe)

Oguzangbe 11, Ayidosun 2024

Benin hò Super Eagles na whla tintan to Tẹnigbe podo agó 2-1 po ehe na hẹn veawu na Naijilia nado pegan na bọlu-hihò lẹdo aihọn pe lọ.

Naijilia tindo agó atọ̀n gee sọn agbàwhiwhlẹn ẹnẹ to bọlu-hihò lẹdo aihọn pe lọ mẹ podọ ehe sọgan hẹn yé gú sọn agbàwhiwhlẹn bọlu-hihò lẹdo aihọn pe tọn he ja mẹ.

Super Eagles wá agbàwhiwhlẹn lọ mẹ podo hudo awhàngbigba tọn po to whenuena yé nọ ozẹn podo South Africa po godo to azán he wayi lẹ mẹ.

Aihun lọ bẹjẹeji do dagbe mẹ na Naijilianu lẹ dile yé do agó to nukunwhiwhe 25tọ mẹ nado jẹ nukọn. Raphael Onyedika bọlu-hògbẹ́ Club Brugge tọn wẹ hùn dotẹnmẹ lọ dote na Super Eagles podo agó dagbe he e do po.

Ṣigba podo adọgbigbo po, bọlu-hògbẹ́ Cheetahs Benin tọn he yin anadena gbọn Gernot Rohr he yin anademẹtọ bọlu-hògbẹ́ Naijilia dai tọn fli agó lọ lẹkọ to nukunwhiwhe 37tọ gbọn Jodei Dossou dali sọn nuṣiwa bọlu-hòtọ́ otẹn godo tọn na Super Eagles lẹ.

Yé yidogọna nugbajẹmẹji Naijilia tọn to adà tintan aihùn lọ tọn mẹ whẹpọ Steve Mounie do kún ován vivọnu adà lọ tọn.

To bẹjẹeji adà awetọ tọn, Naijilia basi diọdo delẹ nado gọ jẹ nukọn. Ṣigba bọlu-hògbẹ́ Cheetahs lẹ dovivẹnu tlatla nado mọ dopo to awhàngbigba yetọn he klo hugan yi to kàndai bọlu-hihò tọn mẹ.

Kọdetọn Tẹnigbe tọn hẹn Naijilia jẹ otẹn 5tọ to pipli C mẹ na bọlu-hògbẹ́ he na pegan na agbàwhiwhlẹn bọlu-hihò lẹdo aihọn pe owhe 2026 tọn.

Asisa lẹ

jlado
Gọẹ yi sọn "https://guw.wikinews.org/w/index.php?title=Benin_de_oyẹ́_Super_Eagles_tọn_bo_duto_Naijilia_ji_na_whla_tintan&oldid=19213"