Bẹwlu dile danuwatọ lẹ tọ́navùn lẹdo de to Awọnlin

Oguzangbe, Whejisun 21, 2023

Avùn lẹdo mẹ tọn de hẹn bẹwlu wa Abule-Ado waji, Awọnlin to Sẹgbe.

Linlinwe PUNCH Metro dọ dọ dile nutindo lẹ tlẹ yin hinhẹn gble, awugble sinsinyẹn depope ma wa aimẹ.

Linlinnamẹtọ mitọn mọdọ, whenue mẹhe yin ponọ ayimatẹn lọ tọn lẹ wa nujijọ lọ tẹnmẹ, fininọ lẹdo lọ tọn lẹ yin alọhẹndotena sọn avùn he to aimẹ to azán lọ ji.

Ponọ ayimatẹn lọ tọn hẹn diun dọ, hodidọ he waimẹ to avùnhiho lọ whenu lẹ yin zize do nọtẹn intẹnẹt Twitter tọn @LagosPoliceNG ji.

Eyin didohia dọmọ, omẹ awe wẹ yin wiwle na zigidi yètọn wutu whenue yè ko hẹn jijọho gọwá lẹdo lọ mẹ.

Ohó ponọ lẹ tọn yin hihia dole, "Ponọ lẹ ko hẹn jijọho gọwá lẹdo Abule-Ado tọn mẹ. Avùn de gba jẹgbonu to lẹdo lọ mẹ to Sẹgbe afọnnu fuu, he dekọtọn do nutindo lẹ hinhẹngble mẹ. Opẹ́ wẹ na ponọ he yawu wa lẹ, enẹ wẹ zọn bọ ogbẹ̀ depope ma yin hinhẹn bú, mọdopolọ, nutindo de ma yin hinhẹngble mlẹnmlẹn, dile e ko yin didọ do.

"Omẹ awe ko yin wiwle, bọ dodinnanu ko bẹjẹeji do whẹho lọ ji.

To ojlẹ enẹ mẹ, Ponọ-gán lẹ gbọṣi nujijọ lọ tẹnmẹ nado glọnalina nudepope he na sọawuhia nado gba osẹ́n.

"Ayimatẹn Awọnlin tọn gbọṣi jijọho po hihọ po mẹ podọ tovi lẹ yin tulina nado zindonukọn to nuwiwa yétọn lẹ mẹ, ehe yin jidide sọn ponọ ayimatẹn Awọnlin tọn de nado hẹn do jijọho to whepoponu.

To ojlẹ enẹ mẹ, Alọgọtọ Ponọ-gán daho, Zone 2 Command, Onikan tọn, Abiodun Alabi, hẹn fininọ ayimatẹn Awọnlin po Ogun tọn po deji na hihọ ogbẹ̀ po nutinto yétọn tọn.

Linlinnamẹtọ Naijiliatọn na linlin dọ alọgọtọ ponọ-gán daho tọn na jidide lọ to hodidọ he yin alọkẹyi gbọn Ponọ-gán hodọdopọ azọ́nwhé tọn na lẹdo, SP Hauwa Idris-Adamu to Sẹgbe to Awọnlin.

Alabi dọmọ, ayidonugo ponọ lọ lẹ tọn ko yin dindọn wa kogbidinamẹ he yin dido gbọn tonudọtọ delẹ po godonọnamẹtọ yetọn lẹ po dali he gba osẹ́n to ayimatẹn awe mẹ.

Alabi na avase tonudọtọ lẹ po godonọnamẹtọ yetọn lẹ po nado nọla na godoninọ na danuwiwa kavi walọ ylankan wunmẹ depope he sọgan hẹn jijọho mẹlẹ tọn gble. Sọgbe hẹ nuhe e dọ, mẹdepope he doalọ to walọ mọnkọ mẹ na pannukọn homẹgble osẹ́n tọn.

Asisa lẹ

• "Tension as hoodlums clash in Lagos community". — Punch. March 20, 2023