Akuẹsẹdotọ Azọ́nwhé tọn de họ́n po akuẹ ogàn etọn tọn Naira livi 1.8 po to Awọnlin
Oguzangbe, Nuwhàsun 16, 2023
To Tẹnigbe, owhe koatọ́n-nukunẹnẹ mẹvi, Olasumbo Sammie, he yin akuẹbẹhẹntọ de yin hinhẹn yì owhẹ̀ nukọ̀n na whẹ̀sadokọnamẹ lọ dọ e fìn agban ogán etọn tọn de he bẹ atánwhlẹ́nu po lamu lẹ po hẹn he akuẹ yetọn sọ̀ Naira livi 1.8.
Sammie, he yin yíyí do azọ́n mẹ taidiakuẹbẹhẹntọ de to 2022, yin whẹ̀sadokọna dọ e sà atánwhlẹ́nu lọ lẹ po lamu lọ lẹ po bọ ma ka bẹ akuẹ yetọn jo na ogán etọn.
Ponọ̀ lẹ hẹn dawe lọ wá owhẹ̀ nukọ̀n to Whẹ̀datẹn Daho Yaba tọn to ayimatẹn Awọnlin tọn mẹ na whẹ̀sadokọnamẹ awè he gando ajojijẹ go.
Thomas Nurudeen, he yin ponọ̀ whẹ̀datẹn tọn lọ, dọ dọ nuṣiwa lọ jẹagọdo osẹ́n he tin to Adà 280tọ Sẹ́nwe ayimatẹn Awọnlin tọn tọn mẹ to Naijilia bọ sẹ́nba he tin to Adà 411 po 287(7) po mẹ gán yin yiyizan nado domẹplọnlọ e go.
Owhẹ̀ lọ hia dole, "Dọ bẹsọn azan tintan Afínplọsun, Owhe 2022 tọn, kakajẹ Afínplọsun owhe 2023 tọn mẹ, to No 74 Docemo Street, Idumota Lagos, to Whẹ̀datẹn Agbegbe Awọnlin tọn mẹ, Olasumbo Sammie, huwhẹ̀ ayiha gigẹdẹ yiyi nado tafumẹ tọn: he yin ajojijẹ, bo gbọnmọ dali yinuwa sọta osẹ́n he tin to Adà 411 Sẹ́nwe ayimatẹn Awọnlin tọn tọn mẹ to Naijilia , 2015 tọn."
Whẹ̀datọ P. E. Nwaka dá akuẹ N500, 000 na Sammie podọ e na yin susu gbọn alọ̀yitọ de tọn mẹ.
Nwaka sisẹ owhẹ̀ lọ dọ azan atọ́ntọ Liyasun, Owhe 2023.
Asisa lẹ jlado
- Naomi Chima. "Cashier absconds with employer’s N1.8m in Lagos". — Punch. May 16, 2023
- "Lagos Cashier In Court For Absconding With Employer’s N1.8m ". — Punch. May 16, 2023