Ajotọ lẹ tọ́nawhàn ahì ‘Computer Village’ Ogun tọn, bo hù mẹdopo

Yọnnuzangbe, Lidosun 13, 2023

Ajọwatọ de he nọ yin Dayo Bankole yin sòdedo to Azangaagbe, podọ mẹsusu devo lẹ sọ gbleawu to whenue ajotọ lẹ tọ́nawhàn ahì he mẹ alokan lẹ nọ yin sisà te de he nọ yin yiylọ dọ “computer village” to Abeokuta, he yin tatọ́-tònọ ayimatẹn Ogun tọn.

Linlin lẹ dohia dọ jaguda-gbẹ lọ he bẹ ajotọ ṣinatọ̀n hẹn tọ́nawhàn ahì lọ, he to lẹdo Ibara tọn mẹ, yèdọ lẹdo de he mẹ ajọ́ nọ sà taun te de to Abeokuta, yé zọ̀n zokẹkẹ lẹ ji do wá ahì lọ mẹ to kléwhète bo jẹ sòde lẹdopé ji.

Linlin lẹ sọ dohia nujijọ lọ fọ́n sijọsijọ dote to lẹdo lọ mẹ dile mẹsusu lẹ họ̀n whlá ma nado yin sòdedo.

Etomọṣo, ajọwatọ lọ lẹ wá do adọgbigbo hia bo yàn ajotọ lọ lẹ bo wá wle dopo to yé mẹ.

Linlin lẹ wá dohia dọ matintọ lọ kú to whenue e to nukunpedomẹgo mọyì to dotowhe daho he to Ijaye Abeokuta.

Abimbola Oyeyemi, he yin hoyidọtọ ponọ lẹ tọn to lẹdo lọ mẹ dọdọ ponọ lẹ penugo nado pehẹ jaguda lọ lẹ po kọdetọn dagbe po.

To hodidọ de mẹ to Yọnnuzangbe afọnnu, Oyeyemi dọdọ "Ogbẹ́ jaguda tọn lọ lẹ tọ́nawhàn ahì lọ mẹ to nudi ogàn 5:30 whèjai tọn mẹ, bo jẹ sòde lẹdopé ji, bosọ fìn alokan he vẹkue taun lẹ."

Asisa lẹ

• Daud Olatunji. "Robbers invade Ogun ‘Computer Village’, kill one". — Punch. April 13, 2023
• Ishola Oludare. "Robbers invade Ogun phone market, kill one". — Daily Post. April 13, 2023